Кіявічы

Кіяві́чы^[1] — вёска ў Капыльскім раёне Менскай вобласьці Беларусі. Уваходзіць у склад Блеўчыцкага сельсавету.

Кіявічы
трансьліт. Kijavičy
Краіна:	Беларусь
Вобласьць:	Менская
Раён:	Капыльскі
Сельсавет:	Блеўчыцкі
Насельніцтва:	83 чал. (2009)
Часавы пас:	UTC+3
Тэлефонны код:	+375 1719
Нумарны знак:	5
Геаграфічныя каардынаты:	52°58′51.46″ пн. ш. 26°59′17.74″ у. д.
Кіявічы на мапе Беларусі ± Кіявічы Кіявічы
Галерэя здымкаў у Вікісховішчы

Гісторыя

Царква ў першай палове XX ст.

Царква ў першай палове XX ст.

Да 1863 г. — уласнасьць Магільніцкіх, потым Клімавых. У 1908 годзе вёска ў 88 двароў з 496 жыхарамі. Царква Ўшэсьця Гасподняга пабудаваная ў 1882 годзе. Дагэтуль існавалі драўляныя храмы^[2].

У 1868 г. — народнае вучылішча. У 1886 г. — 35 двароў, 180 жыхароў. Акрамя царквы, мелася дзьве капліцы. У 1917 г. — 111 двароў, 609 жыхароў. Пасьля 1917 г. — вучылішча ператворанае ў працоўную школу І ступені. У 1922 годзе ўлады рэквізавалі каштоўнасьці царквы, а ў 1929 г. арыштавалі сьвятара Георгія Невяроўскага.

У 1930-х гг. — калгас «Чырвоны пагранічнік», 2 ветракі, кузьня, 117 двароў.

Насельніцтва

• 1972 год — 341 жыхар, 120 двароў
• 1997 год — 182 чалавекі, 105 двароў^[2].
• 2009 год — 83 чалавекі

Славутасьці

У вёсцы знаходзіцца Царква Ўшэсьця Гасподняга, пабудаваная ў 1882 годзе. Занесена ў Дзяржаўны сьпіс гісторыка-культурных каштоўнасьцей Рэспублікі Беларусь як аб’ект гісторыка-культурнай спадчыны рэгіянальнага значэньня^[3].