Царква Раства Багародзіцы (Пацавічы)

Царква Раства Багародзіцы — помнік архітэктуры XIX стагодзьдзя ў Пацавічах. Знаходзіцца на ўсходняй ускраіне вёскі. Дзее. Твор традыцыйнай беларускай драўлянай архітэктуры з элемэнтамі стылю клясыцызму, мастацкае аблічча якога пацярпела ў выніку надбудовы купалоў-цыбулінаў.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Раства Багародзіцы (неадназначнасьць).

Помнік сакральнай архітэктуры
Царква Раства Багародзіцы
Царква Раства Багародзіцы па надбудове купалоў-цыбулінаў
Краіна	Беларусь
Вёска	Пацавічы
Каардынаты	53°19′23.9″ пн. ш. 24°41′34.8″ у. д.
Канфэсія	Беларуская праваслаўная царква
Эпархія	Гарадзенская і Ваўкавыская япархія[d]
Дата заснаваньня	1867
Царква Раства Багародзіцы на мапе Беларусі Царква Раства Багародзіцы
Царква Раства Багародзіцы на Вікісховішчы

Гісторыя

Царкву ў Пацавічах збудавалі ў 1867 годзе з дрэва.

У 2000-я гады ў выніку рэканструкцыі купалы-бані замянілі на маскоўскія пазалочаныя купалы-цыбуліны.

Архітэктура

Помнік традыцыйнай беларускай драўлянай архітэктуры з элемэнтамі стылю клясыцызму. Гэта прастакутны вэртыкальна выцягнуты зруб пад 2-схільным дахам, трыкутны ўсечаны франтон якога завяршаецца цыліндрычным каркасным барабанам з купалам; над алтарнай часткай яшчэ адзін купал. Вэртыкальна ашаляваныя фасады праразаюцца прастакутнымі аконнымі праёмамі ў разных ліштвах. Франтальны фасад падзяляецца 3 прастакутнымі дзьвярнымі праёмамі з разнымі сандрыкамі і лапаткамі ў прасьценках^[1].