Царква Сьвятога Духа (Казяны)

Царква Сьвятога Духа — помнік гісторыі канца XIX — пачатку XX стагодзьдзя (мураўёўка) у Казянах. Знаходзіцца ў цэнтры колішняга мястэчка. Дзее. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Духа.

Помнік гісторыі
Царква Сьвятога Духа
Царква Сьвятога Духа
Краіна	Беларусь
Вёска	Казяны
Каардынаты	55°17′55.83″ пн. ш. 26°51′12.51″ у. д.
Канфэсія	Беларуская праваслаўная царква
Эпархія	Полацкая япархія
Архітэктурны стыль	псэўдарускі стыль[d]
Заснавальнік	Фэлікс Ян Пац
Царква Сьвятога Духа на мапе Беларусі Царква Сьвятога Духа
Царква Сьвятога Духа на Вікісховішчы

Гісторыя

Царква, каля 1900 г.

Мураваную царкву Ўрадавага сыноду Расейскай імпэрыі (Маскоўскай царквы) у Казянах збудавалі да 1903 году на месцы драўлянай царквы Сьвятога Пасаду.

Па Другой сусьветнай вайне савецкія ўлады зачынілі царкву. У 1990-я гады будынак царквы перадалі Беларускаму экзархату Маскоўскага патрыярхату.

Архітэктура

Прыклад эклектычнай царкоўнай архітэктуры Расейскай імпэрыі. 4-часткавую кампазыцыю фармуюць 2-ярусная (васьмярык на чацьверыку) шатровая званіца, прастакутная трапезная, кубападобная малітоўная заля, 5-гранная апсыда з бакавымі рызьніцамі. На чырвоным фоне цаглянай муроўкі вылучаюцца атынкаваныя і пабеленыя элемэнты насычанага архітэктурнага дэкору: ліштвы аркавых аконных праёмаў, аркатурныя фрызы, кутнія лапаткі. У сылюэце пануюць купалы-цыбуліны над асноўным аб’ёмам і над званіцай^[1].