Царква Сьвятога Яна Прадцечы (Лунна)

Царква Сьвятога Яна Прадцечы — помнік гісторыі другой паловы XIX стагодзьдзя (мураўёўка) у Луньне. Знаходзіцца ў цэнтры колішняга мястэчка, на гістарычным Рынку^[a]. Дзее. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Яна Прадцечы (неадназначнасьць).

Помнік гісторыі
Царква Сьвятога Яна Прадцечы
Царква Сьвятога Яна Прадцечы
Краіна	Беларусь
Вёска	Лунна
Каардынаты	53°27′14.13″ пн. ш. 24°15′36.23″ у. д.
Канфэсія	праваслаўе і Беларуская праваслаўная царква
Эпархія	Гарадзенская і Ваўкавыская япархія[d]
Архітэктурны стыль	псэўдарускі стыль[d]
Аўтар праекту	Іван Дарэмідонтавіч Трубнікаў[d]
Царква Сьвятога Яна Прадцечы на мапе Беларусі Царква Сьвятога Яна Прадцечы
Царква Сьвятога Яна Прадцечы на Вікісховішчы

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Луньне збудавалі ў 1886—1889 гадох паводле нерэалізаванага праекту для вёскі Індуры, распрацаванага архітэктарам Іванам Трубнікавым.

Архітэктура

Прыклад сынадальнага кірунку эклектычнай царкоўнай архітэктуры Расейскай імпэрыі. Крыжова-купальны храм фармуюць прытвор з 4-граннай шатровай званіцай, кубападобная малітоўная заля з 8-гранным сьветлавым барабанам, бакавыя прыдзелы, паўкруглая апсыда з бакавымі 3-граннымі рызьніцамі. Фасады падзяляюцца аркавымі аконнымі праёмамі ў кілепадобных ліштвах, дэкаруюцца гарадковымі фрызамі.

У інтэр’еры абраз XVІІІ стагодзьдзя «Укрыжаваньне»^[1].

Галерэя

• Сучасныя здымкі
• 
  Агульны выгляд
• 
  Бакавы фасад
• 
  З боку апсыды

Заўвагі

1. Афіцыйны адрас — плошча Герояў, 3В