Царква Сьвятых Апосталаў Пятра і Паўла (Карэлічы)

Царква Сьвятых Апосталаў Пятра і Паўла — помнік гісторыі другой паловы XIX стагодзьдзя (мураўёўка) у Карэлічах. Знаходзіцца ў цэнтры места, на гістарычным Рынку^[a]. Дзее. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятых Апосталаў Пятра і Паўла (неадназначнасьць).

Помнік гісторыі
Царква Сьвятых Апосталаў Пятра і Паўла
Царква Сьвятых Апосталаў Пятра і Паўла
Краіна	Беларусь
Места	Карэлічы
Каардынаты	53°34′17.40″ пн. ш. 26°08′14.80″ у. д.
Канфэсія	Беларуская праваслаўная царква
Эпархія	Наваградзкая япархія[d]
Царква Сьвятых Апосталаў Пятра і Паўла на мапе Беларусі Царква Сьвятых Апосталаў Пятра і Паўла
Царква Сьвятых Апосталаў Пятра і Паўла на Вікісховішчы

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Карэлічах збудавалі ў 1866 годзе. У 1877 годзе пры ёй збудавалі драўляную царкоўнапрыходзкую школу.

Архітэктура

Прыклад эклектычнай царкоўнай архітэктуры Расейскай імпэрыі. Аб’ёмна-прасторавая кампазыцыя 3-часткавая: прастакутная ў пляне трапезная з званіцай над ёй, кубападобны аб’ём малітоўнай залі з бакавымі прыдзеламі, паўкруглая апсыда з рызьніцамі. Асноўны 2-ярусны аб’ём накрываецца пакатым 4-схільным дахам і завяршаецца 8-гранным сьветлавым барабанам з гранёным сфэрычным купалам і купалам-цыбулінай. Фасады дэкаруюцца кутнім рустам, пілястрамі, прафіляваным карнізам, філёнгамі, ліштвамі аркавых аконных праёмаў. Галоўны і бакавыя ўваходы вылучаюцца аркавымі парталамі.

Усярэдзіне дамінуе цэнтральная заля з прасторай сьветлавога барабана, які падтрымліваюць 4 калёны і скляпеньні-ветразі. Апсыда вылучаецца драўляным іканастасам. У трапезнай усходы на званіцу. У інтэр’еры захоўваюцца абразы XVIII ст. «Маці Божая Адзігітрыя» і «Пакроў»^[1].

Галерэя

• Гістарычныя здымкі
• 
  каля 1900 г.
• 
  да 1915 г.
• 
  1916 г.
• 
  1915—1917 гг.

• 
  1918 г.
• 
  1918 г.
• 
  1937 г.
• 
  красавік 1944 г.

Заўвагі

1. Цяперашні афіцыйны адрас — вуліца 8 сакавіка, 3.