Царква Сьвятых Канстантына і Алены (Валожын)

Царква Сьвятых Канстантына і Алены — помнік гісторыі другой паловы XIX стагодзьдзя (мураўёўка) у Валожыне. Знаходзіцца ў цэнтры места, на гістарычнай Віленскай вуліцы^[a]. Дзее. Твор архітэктуры расейскай эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Помнік гісторыі
Царква Сьвятых Канстантына і Алены
Царква Сьвятых Канстантына і Алены
Краіна	Беларусь
Места	Валожын
Каардынаты	54°20′50″ пн. ш. 26°33′17″ у. д.
Канфэсія	Беларуская праваслаўная царква
Эпархія	Маладэчанская япархія[d]
Архітэктурны стыль	народнае дойлідзтва Беларусі[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Сьвятых Канстантына і Алены на мапе Беларусі Царква Сьвятых Канстантына і Алены
Царква Сьвятых Канстантына і Алены на Вікісховішчы

Гісторыя

Царква ў панараме места. Б. Тамашэвіч, 1897 г.

Драўляную царкву Ўрадавага сыноду Расейскай імпэрыі (Маскоўскай царквы) у Валожыне збудавалі ў 1886 годзе.

За савецкім часам царква працягвала дзеяць. У 1990-я гады каля царквы паставілі драўляную капліцу.

Архітэктура

Прыклад эклектычнай царкоўнай архітэктуры Расейскай імпэрыі. Гэта крыжападобны ў пляне храм з 2-яруснай чацьверыковай шатровай званіцай з франтальнага фасада. Над сяродкрыжжам узвышаецца 2-ярусны 8-гранны барабан, завершаны, як і званіца, высокім шатром з купалам-цыбулінай. На гарызантальна ашаляваных сьценах блакітнай афарбоўкі вылучаюцца пабеленыя ліштвы высокіх аркавых аконных праёмаў.

Унутраная прастора перакрываецца 8-гранным самкнутым скляпеньнем на ветразях, у малітоўную залю шырокімі прасьветамі адкрываюцца бакавыя прыдзелы, апсыда і бабінец^[1].

Галерэя

Гістарычныя здымкі

• Гістарычныя здымкі
• 
  каля 1900 г.
• 
  1918 г.
• 
  верасень 1936 г.
• 
  да 1939 г.

Сучасныя здымкі

• Сучасны стан
• 
  Агульны выгляд
• 
  З боку апсыды
• 
  Бакавы фасад
• 
  З боку вуліцы

Заўвагі

1. Цяперашні афіцыйны адрас — вуліца Савецкая, 70