Ахмат Грозны

«Ахмат» (па-расейску: Ахмат) — расейскі футбольны клюб з гораду Грознага (Чачэнія). Заснаваны ў 1958 годзе. Уладальнік Кубка Расеі 2004 году. Першапачаткова клюб выступаў пад назовам «Дынама», а потым «Нафтавік», у 2017 годзе назва «Церак» была зьмененая на «Ахмат».

Ахмат Грозны
Поўная назва	Автономная некоммерческая организация «Республиканский футбольный клуб „Ахмат“»
Заснаваны	1946
Горад	Грозны, Расея
Стадыён	Ахмат-Арэна Умяшчальнасьць: 30 597
Прэзыдэнт	Магамэд Даудаў[d]
Кіраўнік	Чачэнія
Галоўны трэнэр	Станіслаў Чарчэсаў[d]
Чэмпіянат	Прэм’ер-ліга
· 2024—2025	14 месца
Хатнія колеры Выязныя колеры
Галерэя здымкаў у Вікісховішчы fc-akhmat.ru (рас.)

Гісторыя

Футбольны клюб «Дынама» быў заснаваны ў 1946 годзе. У 1948 годзе каманда зьмяніла назву на «Нафтавік», а ў 1958 — на «Церак». У канцы 1989 году «Церак» быў набыты бізнэсоўцам Булатам Чагаевым. У гады фактычнай незалежнасьці Чачэнскай Рэспублікі Ічкерыя футбольны клюб ня ўдзельнічаў у чэмпіянатах Расеі, а выступаў у найвышэйшай лізе ЧРІ^[1]. Чуткі аб тым, што ў складзе «Цераку» гуляў Шаміль Басаеў, ня маюць пад сабой ніякай асновы. Ён мог згуляць таварыскі матч на нейкім сьвяце, напрыклад у дзень незалежнасьці Ічкерыі, 6 верасьня^[2].

У 2001 годзе клюб быў адроджаны. З-за таго, што стадыён у Грозным не адказваў неабходным патрабаваньням да гульняў чэмпіянату Расеі, клюб праводзіў хатнія матчы ў Чаркеску, Лермантаве й Пяцігорску, матчы з эўрапейскімі клюбамі праводзіліся ў Маскве. У сакавіку 2008 году ў Грозным быў адкрыты рэканструяваны стадыён імя Султана Білімханава (былы стадыён «Дынама»), які стаў хатнім стадыёнам «Цераку».

У 2004 годзе «Церак» стаў уладальнікам Кубка Расеі, абыграўшы ў фінале самарскія «Крылы Саветаў» зь лікам 1:0. Касьцяк той каманды складалі ўзроставыя футбалісты. У 2004 годзе «Церак» удзельнічаў у розыгрышы Кубка УЭФА. У другім кваліфікацыйным раундзе «Церак» сустракаўся з польскай камандай «Лех», якую абыграў у абодвух матчах (1:0; 1:0); у першым раундзе Кубка УЭФА саступіў швайцарскай камандзе «Базэль» (1:1; 0:2). У сэзоне 2005 году клюб заняў 16 месца й вылецеў у першы дывізіён. У сэзоне 2007 году «Церак» заняў 2 месца й атрымаў права выступаць у Прэм’ер-лізе.

У 2006 годзе футбольнаму клюбу прысвоена імя першага прэзыдэнта Чачэнскай Рэспублікі Героя Расеі Ахмата Кадырава.

Першы пасьляваенны матч

Пасьля доўгага перапынку, зьвязанага з палітычнай сытуацыяй у рэспубліцы, «Цераку» ў 2008 годзе было афіцыйна дазволена праводзіць матчы ў Грозным. На стадыёне імя Султана Білімханова 14 сакавіка адбыўся матч першага туру расейскай Прэм’ер-лігі паміж «Церакам» і «Крыламі Саветаў». Падрыхтоўцы матчу папярэднічалі асаблівыя меры па забесьпячэньні бясьпекі, у прыватнасьці, было прынята рашэньне глушыць мабільную сувязь.

Склад

Актуальны на 20 ліпеня 2025 году

№ Пазыцыя Імя Год нараджэньня 1 Бр Вадзім Ульянаў  2001 4 Аб Турпал-Алі Ібішаў  2002 5 Аб Мілаш Шатара  1995 7 Нап Лечы Садулаеў  2000 8 Аб Міраслаў Богасавац  1996 9 Нап Браян Мансыльля  1997 11 ПА Ісмаэл Сылва  1994 13 Нап Маамэд Канатэ  1997 14 ПА Амін Таляль  1996 17 ПА Эгаш Касынтура  1997 19 ПА Маўра Люна Дыяле  1999

№ Пазыцыя Імя Год нараджэньня 20 Нап Максім Самародаў  2002 23 ПА Антон Швец  1993 40 Аб Рызван Уцыеў  (капітан) 1988 42 ПА Мануэл Кельяну  2003 55 Аб Дарка Тодаравіч  1997 70 ПА Абакар Гаджыеў  2003 71 ПА Магамэд Якуеў  2004 75 Аб Надэр Гандры  1995 77 Нап Георгі Мелкадзэ  1997 81 Аб Максім Сідараў  1998 88 Бр Георгі Шэлія  1988

Галоўныя трэнэры

• Ігар Шалімаў (ад 1 кастрычніка 2019)
• Рашыд Рахімаў (5 верасьня 2018 — 30 верасьня 2019)
• Руслан Ідзігаў (в. а., 2-5 верасьня 2018)
• Ігар Лядзяхаў (7 красавіка 2018 — 2 верасьня 2018)
• Міхаіл Галакціёнаў (в.а., 31 кастрычніка 2017 — 7 красавіка 2018)
• Алег Конанаў (2017)
• Рашыд Рахімаў (2013—2017)
• Юры Краснажан (2013)
• Станіслаў Чарчэсаў (2011—2013)
• Руўд Гуліт (2011)
• Анатоль Байдачны (2010)
• Вячаслаў Грозны (2008—2009)