Цна (прыток Гайны)

Цна (у верхнім цячэньні — Чырвоная) — рака ў Менскай вобласьці Беларусі, у Смалявіцкім і Лагойскім раёнах і на мяжы Барысаўскага і Лагойскага раёнаў, левы прыток ракі Гайна.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Цна.

Рака

Цна
Агульныя зьвесткі
Выток	за 0,5 км ад вёскі Літвічы
Вышыня вытоку	163,8 м
Вусьце	Гайна
Вышыня вусьця	Гайна за 0,4 км на паўднёвы ўсход ад вёскі Сутокі
Краіны басэйну	Беларусь
Вобласьці	Менская вобласьць
Даўжыня	66 км
Плошча басэйну	609 км²
Нахіл воднай паверхні	0,6 м/км

Даўжыня ракі 66 км. Плошча вадазбору 609 км². Вадазбор у паўночнай частцы Менскага ўзвышша. Пачынаецца ў забалочанай мясцовасьці прыкладна за 0,5 км у напрамку на поўнач ад вёскі Літвічы (Лагойскі раён). Упадае ў Гайну прыкладна за 400 м у напрамку на паўднёвы ўсход ад вёскі Сутокі Смалявіцкага раёну. Даліна трапецападобнай формы, месцамі невыразная. Шырыня даліны 1—2, месцамі да 3,5 км. Схілы даліны спадзістыя, вышынёй ад 3—4 м у вярхоўі да 30 м у ніжнім цячэньні. Рэчышча каналізаванае, за выключэньнем 14 км ад вытоку і 2 км ад вусьця.

Прытокі: Васільчанка, Пядань, Чарніца, Макоўза, Студзянец, Лавоша. Рака выкарыстоўваецца ў якасьці водапрыёмніку мэліярацыйных сыстэм. У басэйне Цны вадасховішча Макоўза.

Паходжанне назвы

Паводле летувіскага навукоўца Казімера Бугі, назва ракі балцкая, першапачаткова гучала як *Tusnā, зьвязана з прускім tusnan «ціхі».^[1]