Цісоўка

Цісоўка (па-польску: Cisówka, на мясцовай беларускай гаворцы: Цісо́ўка^[2]) — вёска ў Беластоцкім павеце Падляскага ваяводзтва Польшчы. Знаходзіцца ў гміне Міхалова.

Цісоўка
польск. Cisówka
Першыя згадкі:	1764
Былая назва:	Лясоты, Цёскі
Мясцовая назва:	Цісоўка
Краіна:	Польшча
Ваяводзтва:	Падляскае
Павет:	Беластоцкі
Гміна:	Міхалова
Насельніцтва:	93 чал. (2013)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	16-050
Нумарны знак:	BIA
Геаграфічныя каардынаты:	52°56′42.000″ пн. ш. 23°52′9.000″ у. д.
Цісоўка на мапе Польшчы Цісоўка
Галерэя здымкаў у Вікісховішчы

Вёска знаходзіцца на ўзьбярэжжы Семяноўскага вадасховішча. Побач зь вёскай праодзіць чыгуначны шлях Седльцы — Ваўкавыск, на якім знаодзіцца нядзейны прыпынак Цісоўка.

Нядзейны чыгуначны прыпынак у Цісоўцы.

Насельніцтва

Жыхары вёскі этнічныя беларусы, праваслаўныя (прыход Узьнясеньня Крыжа Гасподняга ў Ялаўцы) і каталікі (парафія Перамяненьня Панскага ў Ялаўцы^[3]), пераважна з польскай нацыянальнай ідэнтыфікацыяй.

Гісторыя

Цісоўка на старой карце.

Цісоўка была заснаваная пасьля 1750 г. як вёска бортнікаў. У 1764 г. называлася Лясоты ад прозьвішча першы асаднікаў — Бенэдыкта і Кузьмы Лясотаў (пражывалі тут таксама сем'і Санькі Грыца і Яські Грышчука). На пачатку да вёскі прыналежалі 3,75 валокі зямлі. З канцом 18 ст. пасяліліся тут новыя асаднікі, якія займаліся пераапрацоўкай дрэва, якое спляўлялася ракой Нарвай у Мазовію (ад цясаньня драўніны пайшла назва Цёскі, замененая пасьля ў Цісоўку). У 1857 г. пражывала тут 132 чалавек, а ў 1915 ажно 58 сем'яў^[4]. У 1907 г. побач зь вёскай была праведзеная чыгуначная лінія Седльцы — Ваўкавыск. У міжваенны пэрыяд Цісоўка прыналежала да гміны Ялаўка Ваўкавыскага павету(be) Беластоцкага ваяводзтва. Паводле польскага перапісу насельніцтва 1921 г. пражывала тут 280 жыхароў (136 каталікоў і 144 праваслаўны, усе былі пагалоўна запісаныя палякамі)^[5]. Пасьля Другой сусьветнай вайны Цісоўка была далучаная да гміны Міхалова. У 1950 г. у Цісоўцы пражывала 410 чалавек і з таго маменту колькасьць насельніцтва сістэматычна спадае^[4].