Чарамшына (гурт)

„Чарамшы́на“ (па-польску: Czeremszyna) — польскі музычны гурт з Падляшша, які выконвае народную музыку беларуска-ўкраінскага памежжа.

Чарамшына
Гады	з 1993
Краіна	Польшча
Месца ўтварэньня	Чаромха
Жанр	фолкавая музыка
czeremszyna.pl (пол.)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Чарамшына (неадназначнасьць).

Рэпэртуар ансамблю складаюць галоўным чынам народныя сьпевы беларуска-польска-ўкраінскага памежжа на падляскіх гаворках. Музыкі карыстаюцца акардэонамі, бас-балалайкамі, цымбаламі, фуярамі, мандалінамі, скрыпкамі, сапілкамі ды бубнамі.

Мінуўшчына

Заснаваны ў лістападзе 1993 року ў Чаромсе (Падляскае ваяводзтва).

Гурт удзельнічаў у шматлікіх фэстах у Польшчы і за мяжой (між інш. Бэльгія, Вугоршчына, Італія, Латвія, Летува, Нідэрлянды, Нямеччына, Францыя, Швэцыя)^[1].

У 2003 року выйшла кружэлка „Hulaj póki czas”, якая стала ляўрэаткай конкурсу „Wirtualne Gęśle”. У лістападзе 2003 року пачаў супрацоўніцтва зь беларускім сьпеваком Тодарам. Праз год зьявілася канцэртная праграма „Dla Puszczy i ludzi”, прысьвечаная Белавескай пушчы. У 2010 року выйшла супольная кружэлка праекту „Што на сэрцы“.

Дыскаграфія

• „Czom ty ne pryszow” (MC, 1996)
• „Źródło” (MC і CD, 1998)
• „…” (MC і CD, 2000)
• „Hulaj póki czas” (MC і CD, 2003)
• „Uśmiechnij się” (CD, 2008)
• Czeremszyna/Todar „co na sercu…” (2010)
• „Tęsknoty” (CD, 2018)