Швабскі сельсавет

Шва́бскі сельсавет — адміністрацыйна-тэрытарыяльная адзінка ў складзе Лагойскага раёну Менскай вобласьці. Адміністрацыйны цэнтар — вёска Швабы.

Швабскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Швабы
Дата ўтварэньня	20 жніўня 1924
Насельніцтва	▲852 чал. (2020)
Мэдыя-зьвесткі
Часавы пас	UTC+03:00
Паштовыя індэксы	223118
Код аўтам. нумароў	5
Дадатковыя мультымэдыйныя матэрыялы

Гісторыя

20 жніўня 1924 году створаны ў складзе Зэмбінскага раёну Барысаўскай акругі. Цэнтар — вёска Швабаўка. З 9 чэрвеня 1927 году ў складзе Менскай акругі. 22 верасьня 1927 году раён скасаваны, сельсавет далучаны да Лагойскага раёну. Пасьля скасаваньня акруговага падзелу 26 ліпеня 1930 году ў Лагойскім раёне БССР. З 20 лютага 1938 году ў складзе Менскай вобласьці. У 1939 годзе Швабаўка перайменавана ў Чырвоную Швабаўку, сельсавет перайменаваны ў Чырванашвабаўскі сельсавет.

25 ліпеня 1959 году да сельсавета далучана тэрыторыя скасаванага Юркавіцкага сельсавету^[1].

11 сьнежня 2007 году вёска Чырвоная Швабаўка перайменаваная ў Швабы^[2].

3 красавіка 2008 году сельсавет перайменаваны з Чырванашвабаўскага ў Швабскі^[3].

Насельніцтва

Насельніцтва сельсавета паводле перапісу 2009 году — 963 чалавекі^[4], зь іх 96,0% — беларусы, 2,4% — расейцы^[5].