Шчаўевы суп

Шчаўевы суп — агароднінная поліўка са шчаўя.

Шчаўевы суп
Шчаўевы суп зь яйкам (2008 год)
Іншыя назвы	суп з шчаўем; поліўка, суп або халаднік са шчаўя; шчаўе
Тып	поліўка
Нацыянальная страва	славянская, габрэйская
Паходжаньне	Беларусь, Польшча і Расея
Рэгіён	Усходняя Эўропа
Час прыгатаваньня	25 хвілінаў
Асноўны складнік	шчаўе
Распаўсюджаныя складнікі	бульба, яйка, агурок, сьмятана
Падобныя стравы	боршч
Шчаўевы суп у Вікісховішчы

Мае найбольшае пашырэньне ва Ўсходняй Эўропе. Гатуецца працёртым або з затаўкай, гарачым або ў выглядзе халадніка. Багаты на вітамін C^[1].

Складнікі

Для прыгатаваньня шчаўевага супу выкарыстоўваюць: адну бульбу і вялікі пучок шчаўя, па адным яйку і маласольным агурку, шарык курту і сьмятану, а таксама па смаку зялёную цыбулю, кроп і чорны молаты перац^[1].

Прыгатаваньне

Спачатку адварваюць яйка ў рондалі. Бульбу рэшуць на кубікі і кладуць асобна ў кіпучую ваду на 3 хвіліны. Шчаўе нашаткоўваюць са сьцёбламі і кладуць у рондаль да бульбы на яшчэ 3 хвіліны. Нашаткоўваюць кроп і цыбулю, якія кладуць у талерку для супу. Затым наразаюць адварное яйка і маласольны агурок, якія таксама кладуць у талерку. Туды ж дадаюць лыжку сьмятаны і заліваюць у талерку адвар з бульбай і шчаўем. Для аздабленьня дробна сякуць кроп і націраюць курт. Урэшце, па смаку дадаюць перац^[1].