Элдэр Паштыга

Элдэр Мануэл Маркеш Паштыга (па-партугальску: Hélder Manuel Marques Postiga; нарадзіўся 2 жніўня 1982 году, Віла-ду-Кондзі, Партугалія) — партугальскі футбаліст, нападнік нацыянальнай зборнай Партугаліі. Пасьля пачатку прафэсійнай кар’еры ў Порту, Паштыга гуляў за клюбы Ангельшчыны, Францыі, Грэцыі й Гішпаніі.

Элдэр Паштыга
Пэрсанальная інфармацыя
Нарадзіўся	2 жніўня 1982(1982-08-02)[1][2][3] (43 гады) Віла-ду-Кондзі[d], Порту[d], Партугалія
Рост	182 см
Вага	79 кг
Пазыцыя	нападнік
Клюбы
Гады	Клюб	Гульні (галы)¹
2000—2001	Порту Б[d]
2001—2003	Порту	58 (22)
2003—2004	Тотэнгэм Готспур	19 (1)
2004—2008	Порту	54 (15)
2006	→ Сэнт-Эт’ен	16 (2)
2008	→ Панатынаікос	14 (2)
2008—2011	Спортынг Лісабон	71 (12)
2011—2013	Рэал Сарагоса	70 (23)
2013—2014	Валенсія	15 (3)
2014	→ Ляцыё	5 (0)
2014—2015	Дэпартыва Ля-Каруньня	14 (1)
2015—2016	АТК[d]	1 (2)
2016	Рыю Аві	10 (5)
2016	АТК[d]	11 (2)
Зборныя
2000	Партугалія (да 17)[d]	6 (1)
2001	Партугалія (да 20)[d]	6 (2)
2001—2003	Партугалія (да 21)[d]	16 (12)
2003—2014	Партугалія	71 (27)

Кар’ера

Клюбная

Першапачаткова Паштыга займаўся ў клюбе «Варзым», але ў 16 гадоў перайшоў у футбольную акадэмію «Порту», дзе й працягнуў разьвівацца, пакуль не дасягнуў рэзэрвовай каманды клюбу. Пасьля прходу ў клюб Жузэ Маўрыньню ў якасьці галоўнага трэнэра Паштыга стаў сапраўднай зоркай партугальскага клюбу разам з Дэрлеем. Пасьля перамогі ў партугальскім чэмпіянаце ў 2003 годзе Паштыга пераехаў у клюб ангельскай Прэм’ер-лігі «Тотэнгэм Готспур» за 9 млн эўра^[4]. Аднак Элдэр ня здолеў адаптавацца да ангальскага стылю гульні, забіўшы толькі два галы за клюб. Паштыга затым вярнуўся ў «Порту» паводле пагадненьні па абмену яго на Пэдру Мэндэша, нападнік быў ацэнены ў 7,5 млн эўра^[5]. Новы трэнэр Віктар Фэрнандэш уключыў яго ў склад каманды на чэмпіянат Партугаліі 2004—2005 гадоў, аднак Элдэр правёў яго няўдала.

1 чэрвеня 2008 году было абвешчана, што Паштыга пераходзіць у лісабонскі «Спортынг», падпісаўшы трохгадовы кантракт, як паведамлялася, сума трансфэру склала 2,5 млн эўра^[6]. 31 жніўня 2011 году ў апошні дзень трансфэрнага вакна Паштыга пакінуў «Спортынг», падпісаўшы кантракт кантракт з гішпанскім «Рэал Сарагоса» за 1 млн эўра^[7]. 8 жніўня 2013 году Паштыга далучыўся да «Валенсіі» за 2,6 млн фунтаў стэрлінгаў, замяніўшы, такім чынам, Рабэрта Сальдада, які сышоў у ангельскі «Тотэнгэм Готспур»^[8]. 1 верасьня, толькі ў трэцім матчы сэзону, ён забіў свае першыя 2 галы за клюб у гульні супраць «Барсэлёны», але валенсійцы трывалі паразу ў гэтым хатнім матчы зь лікам 2:3^[9].

Міжнародныя

Элдэр выступаў за нацыянальную зборную Партугаліі з 2003 году. Неаднаразовы абараняў колеры нацыянальнай каманды ў буйных міжнародных турнірах.

Дасягненьні

«Порту»:

• Чэмпіён Партугаліі: 2003, 2006, 2007
• Уладальнік Кубка Партугаліі: 2003
• Уладальнік Супэркубка Партугаліі: 2004
• Уладальнік Кубка УЭФА: 2003
• Уладальнік Міжкантынэнтальнага кубка: 2004

«Спортынг»:

• Уладальнік Супэркубка Партугаліі: 2008

АТК:

• Пераможца Супэрлігі Індыі: 2016

Партугалія:

• Срэбраны прызэр чэмпіянату Эўропы: 2004