Элеанора Марыя Юзэфа Габсбург

Элеанора Марыя Юзэфа Габсбурґ (па-нямецку: Eleonore Maria Josefa von Habsburg; 31 траўня 1651, Рэгенсбург, цяпер Нямеччына — 17 сьнежня 1697, Вена, цяпер Аўстрыя) — каралева польская й вялікая княгіня літоўская, пасьля княгіня лятарынская.

Элеанора Марыя Юзэфа Габсбурґ

Eleonore Maria Josefa von Habsburg
Партрэт аўтарства Карла Брэндэля, 1684
Герб Габсбургаў
Каралева польская й вялікая княгіня літоўская
1670 — 1673
Папярэднік	Людвіка Марыя Ганзага
Наступнік	Марыя Казімера д’Арк’ен
Княгіня Лятарынгіі
1678 — 1697
Папярэднік	Клёд Лятарынская
Наступнік	Элісабэта Шарлёта Арлеанская
Асабістыя зьвесткі
Нарадзілася	31 траўня 1651 Рэгенсбург, Сьвятая Рымская імпэрыя
Памерла	17 сьнежня 1697 (46 гадоў) Вена, Сьвятая Рымская імпэрыя
Пахаваная	Імпэратарская пахавальня[d]
Род	Габсбургі
Бацькі	Фэрдынанд III Габсбург Элеанора Ганзага
Муж	Міхал Вішнявецкі Карл V Лятарынскі
Дзеці	Леапольд I Лятарынскі Карл Ёзэф Лятарынскі Элеанора Лятарынская Карл Фэрдынанд Лятарынскі Ёзэф Інацэнт Эмануэль Лятарынскі Франц Ёзэф Лятарынскі
Рэлігія	каталіцтва
Дзейнасьць	арыстакратка

Біяграфія

Каранацыя Элеаноры Марыі Юзэфы ў Варшаве

Была дачкой імпэратара Сьвятое Рымскае імпэрыі, караля Чэхіі й Вугоршчыны Фэрдынанда ІІІ Габсбурга й Элеаноры Ганзагі. 27 лютага 1670 у Яснай Гуры пабралася шлюбам з каралём польскім й вялікім князе літоўскім Міхалам Вішнявецкім. У кастрычніку таго самага году была каранаваная ў Катэдральным касьцёле сьвятога Яна ў Варшаве. У пары быў толькі адзін сын, які нарадзіўся мёртвым 29 лістапада 1670. Пасьля сьмерці мужа ў 1673 вярнулася ў Аўстрыю.

Дзякуючы дапамозе брата Леапольда І Габсбурга ажанілася ў Вінэр-Нойштаце 6 лютага 1678 са сваім былым каханкам князем Лятарынгіі Карлам V. Карл V быў прызначаны намесьнікам Тыролю й Пярэдняе Аўстрыі й пара пасялілася ў замку ў Інсбруку. Пасьля сьмерці мужа ў 1690 прыкдала ўсе намаганьні для забесьпячэньня незалежнасьці Лятарынгіі й замацаваньня яе за сваімі нашчадкамі, што было зацьверджана дамовай у Рысвіку ў 1697. Тым ня менш пагадненьне прадугледжвала вольны праход францускіх войскаў праз тэрыторыю княства. Празь некалькі месяцаў пасьля гэтага Элеанора Марыя памерла. Яна была пахаваная ў крыпце Габсбургаў у Вене ў касьцёле капуцынаў.

Дзеці

• Леапольд I Лятарынскі (1679—1729), князь Лятарынгіі ад 1690
• Карл Ёзэф Лятарынскі (1680—1715), арцыбіскуп трырскі ад 1711
• Элеанора Лятарынская (1682)
• Карл Фэрдынанд Лятарынскі (1683—1685)
• Ёзэф Інацэнт Эмануэль Лятарынскі (1685—1705), імпэрскі генэрал
• Франц Ёзэф Лятарынскі (1689—1715), абат Стаблё й Мальмэдзі

Папярэдніца: Людвіка Марыя Ганзага	Каралева польская й вялікая княгіня літоўская 1670—1673	Пераемніца: Марыя Казімера д'Арк'ен
Папярэдніца: Клёд Лятарынская	Княгіня Лятарынгіі 1678—1697	Пераемніца: Элісабэта Шарлёта Арлеанская