Інсбрук

Інсбрук (па-нямецку: Innsbruck) — горад на захадзе Аўстрыі, сталіца фэдэральнай зямлі Тыроль. Насельніцтва 132 236 чалавек (на 2017 год) — пяты паводле колькасьці насельніцтва горад Аўстрыі.

Інсбрук
ням. Innsbruck
Герб Інсбруку Сьцяг Інсбруку
Першыя згадкі:	1187
Краіна:	Аўстрыя
Кіраўнік:	Johannes Anzengruber[d][1]
Плошча:	104,81 км²
Вышыня:	574 м н. у. м.
Насельніцтва (2017)
колькасьць:	132 236 чал.
шчыльнасьць:	1261,67 чал./км²
Часавы пас:	UTC+1
летні час:	UTC+2
Тэлефонны код:	+43 512
Паштовыя індэксы:	6010—6080
Нумарны знак:	I
Геаграфічныя каардынаты:	47°16′6″ пн. ш. 11°23′36″ у. д.
Інсбрук на мапе Аўстрыі Інсбрук
Галерэя здымкаў у Вікісховішчы
https://www.innsbruck.at/

Назва гораду перакладаецца як «мост на рацэ Ін». Сымбалем гораду зьяўляецца Залаты дах.

Гаспадарка

На 2020 год у горадзе месьціўся найбольшы аўстрыйскі холдынг нерухомасьці «Сігна».

Гісторыя

У 1133 годзе графы фон Андэкс заснавалі на левым беразе ракі Ін гандлёвы пляц. У 1170-я гады граф Бэрхтальд V фон Андэкс злучыў гэты пляц з супрацьлеглым берагам Іну мастом^[2]. У 1187 годзе гэты ўмацаваны пляц атрымаў гандлёвыя прывілеі, што лічыцца першымі афіцыйнымі згадкамі пра Інсбрук (пад назвай Insprucke)^[3]. Недзе паміж 1187 і 1205 гадамі Інсбрук атрымаў і гарадзкія прывілеі, якія былі пацьверджаны і пашыраны ў 1239 годзе^[4].

Пасьля сьмерці Ота VIII, апошняга графа фон Андэкс, горад належаў графам Тыролю, а ў 1386 годзе перайшоў да Габсбургаў, і Інсбрук становіцца аўстрыйскім. У 1420 годзе гэрцаг Тыролю Фрыдрых IV зрабіў Інсбрук сваёй рэзыдэнцыяй. Пры Максыміліяне I Інсбрук становіцца важным палітычным цэнтрам імпэрыі. У 1669 годзе імпэратар Леапольд I Габсбург заснаваў у Інсбруку ўнівэрсытэт.

У 1805 годзе Напалеон перадаў Тыроль Баварыі, у выніку чаго ў 1809 годзе пачалася вызвольная вайна тырольцаў. У 1814 годзе, па выніках Венскага кангрэсу, Тыроль быў вернуты Аўстрыі. У 1858 годзе чыгунка злучыла Інсбрук зь Мюнхэнам, а ў 1867 годзе — з Боцэнам.

У 1938 годзе Тыроль увайшоў у склад Трэцяга райху. З 1955 году — у складзе адноўленай незалежнай Аўстрыі. Неўзабаве Інсбрук двойчы прымаў Зімовыя Алімпійскія гульні: у 1964 і 1976 гадох.

Славутасьці

• Стары горад
• Залаты дах — эркерны балькон, пакрыты пазалочанай дахоўкай
• Сабор Сьвятога Якаба
• замак Амбрас
• палац Гофбург
• Калёна Сьв. Ганны
• Музэй зямлі Тыроль

Гарады-сябры

• Фрайбург-ім-Брайсгаў, Нямеччына
• Грэнобль, Францыя
• Сараева, Босьнія і Герцагавіна
• Ольбарг, Данія
• Тбілісі, Грузія,
• Новы Арлеан, ЗША
• Кракаў, Польшча

Галерэя

• 
  Залаты дах
• 
  Сабор Сьвятога Якаба
• 
  замак Амбрас
• 
  палац Гофбург

Панарама Інсбруку