Эрнанэс

Андэрсан Эрнанэс дзі Карвальлю Віяна Ліма (па-партугальску: Anderson Hernanes de Carvalho Viana Lima; нар. 29 траўня 1985 году) — былы бразыльскі футбаліст, паўабаронца. Мае на сваім рахунку выступы ў складзе нацыянальнай зборнай Бразыліі. Эрнанэс мог згуляць на ўсялякай пазыцыі ў паўабароне. Ён вядомы сваёй тэхнікай, а таксама адзначаўся ахайным і спраўным валоданьнем мячом, з магчымасьцю дакладна перадаць мяч на сярэдныя і доўгія дыстанцыі^[4].

Эрнанэс
Пэрсанальная інфармацыя
Нарадзіўся	29 траўня 1985(1985-05-29)[1][2][3] (40 гадоў) Аліянса[d], Пэрнамбуку, Бразылія
Рост	180 см
Вага	76 кг
Пазыцыя	паўабаронца
Клюбы
Гады	Клюб	Гульні (галы)¹
2005—2010	Сан-Паўлу	117 (18)
2006	→ Санту-Андрэ[d]	23 (6)
2010—2014	Ляцыё	118 (33)
2014—2015	Інтэрнацыянале	42 (7)
2015—2017	Ювэнтус	24 (2)
2017—2018	Хэбэй Чайна Форчун[d]	19 (4)
2017	→ Сан-Паўлу	19 (9)
2019—2021	Сан-Паўлу	46 (5)
2021	Спорт Рэсыфі[d]	8 (0)
Зборныя
2008—2014	Бразылія	28 (2)

Кар’ера

У дарослым футболе Эрнанэс дэбютаваў у 2005 годзе выступамі за «Сан-Паўлу», выхаванцам якога зьяўляецца. Разам з клюбам двойчы станавіўся чэмпіёнам краіны. Пры гэтым у 2008 годзе гулец стаў найлепшым футбалістам краіны. У 2007 і 2008 гадох уваходзіў у сымбалічную зборную чэмпіянату.

6 жніўня 2010 году «Сан-Паўлу» пагадзіўся на пераход гульца ў «Ляцыё»^[5]. Эрнанэс падпісаў кантракт на пяць гадоў, «Ляцыё» пры гэтым выклаў 11,1 млн эўра за гульца. У сваім дэбютным матчы паўабаронца забіў выконваючы штрафны ўдар у матчы супраць «Дэпартыва».

31 студзеня 2014 году Эрнанэс падпісаў 4,5-гадовы кантракт зь мілянскім «Інтэрам», які будзе доўжыцца да 30 чэрвеня 2018 году^[6].

У сваім першым матчы за зборную Бразыліі атрымаў чырвоную картку ў матчы супраць зборнай Францыі.

Дасягненьні

«Сан-Паўлу»:

• Чэмпіён Бразыліі: 2007, 2008

«Ляцыё»:

• Уладальнік Кубка Італіі: 2013

«Ювэнтус»:

• Чэмпіён Італіі: 2016
• Уладальнік Кубка Італіі: 2016

Бразылія:

• Пераможца Кубка канфэдэрацыяў: 2013
• Бронзавы прызэр Алімпійскіх гульняў: 2008