Сан-Паўлу (футбольны клюб)

«Сан-Па́ўлу» (па-партугальску: São Paulo Futebol Clube) — бразыльскі футбольны клуб з гораду Сан-Паўлу. Шасьціразовы чэмпіён Бразыліі. Трохразовы ўладальнік Кубка Лібэртадорэс. «Сан-Паўлу» зьяўляецца адным з самы пасьпяховых клюбаў у бразыльскім футболе. Клюб гуляе ў чэмпіянаце штату Сан-Паўлу, а таксама ў Сэрыі А чэмпіянату Бразыліі, а таксама ўвааходзіць у сьпіс пяці клюбаў, якія ніколі не выляталі з найвышэйшага дывізіёну чэмпіянату Бразыліі.

Сан-Паўлу
Поўная назва	São Paulo Futebol Clube
Заснаваны	25 студзеня 1930
Горад	Сан-Паўлу, Бразылія
Стадыён	Марумбі Умяшчальнасьць: 67 052
Галоўны трэнэр	Эрнан Крэспа[1]
Чэмпіянат	Сэрыя A
· 2024	6 месца
Хатнія колеры Выязныя колеры
Галерэя здымкаў у Вікісховішчы saopaulofc.net (парт.)​ (анг.)

Найбольш пасьпяховымі для клюбу лічацца 1990-я гады, калі пад кіраўніцтвам трэнэра Тэле Сантана «Сан-Паўлу» атрымаў перамогу ў трох розыгрышах чэмпіянату штату і аднойчы ў Сэрыі А, а таксама ў шэрагу міжнародных спаборніцтваў. Перамогі ў двух Кубках Лібэртадорэс у 1992 і 1993 гадох, як раз прыпадаюць на гэты час. Даволі пасьпяховымі зьяўляюцца і 2000-я гады, калі клюб тройчы запар стаўся чэмпіёнам краіны і аднойчы стаў уладальнікам Кубка Лібэртадорэс.

«Сан-Паўлу» зьяўляецца трэці клюбам паводле колькасьці прыхільнікаў, маючы на сваім рахунку больш за 17 мільёнаў прыхільнікаў. Традыцыйнамі для хатніх матчаў клюбу зьяўляюцца белая кашуля з двума гарызантальнымі палосамі, адна зь якіх чырвоная, а іншая чорная, белыя шорты і шкарпэткі. Хатнім стадыёнам зьяўляецца пляцоўка Марумбі, якая здольная зьмясьціць 67 052 чалавекі.

Гісторыя

Чэмпіёнскі склад 1931 году.

Футбольны клюб «Сан-Паўлу» быў заснаваны 25 студзеня 1930 году 60 былымі функцыянэрамі, гульцамі і сябрамі клюбаў «Паўлістану» і «АА Палмэйрас». Клюб «Паўлістану» быў закладзены ў 1900 годзе і ўважаўся за адзін з найстарэйшых клюбаў у горадзе. Ён быў 11-разовым чэмпіёнам Сан-Паўлу, але адмовіўся ад футболу праз прафэсіяналізацыі спорту. У сваю чаргу клюбу «АА Палмэйрас» паўстаў у 1902 годзе. Быўшы трохразовым чэмпіёнам Сан-Паўлу, той клюб меў намер па заканчэньні сэзону 1929 году стварыць прафэсійную каманду, але ня здолеў гэтага зрабіць^[2]. У выніку стварэньня новага клюбу да чорна-белых колераў «АА Палмэйрас» былі дададзеныя чырвона-белыя колеры «Паўлістану»^[3]. Тым ня менш, унутраныя спрэчкі прывялі да фінансавых праблемаў. Клюб быў вымушаны аб’яднацца з «Т’еці», то бок іншым спартовым клюбам гораду, але футбольная сэкцыя клюбу была расфармаваная 14 траўня 1935 году^[4]. Толькі ў канцы году футбольны клюб паўстаў нанова пад назовам «Трыкалор».

Каманда 1936 году.

Першая гульня новага клюбу адбылася 25 студзеня 1936 году, а супернікам каманды стала «Партугеза Сантыста». Матч ледзь не адмянілі празь юбілей гораду, але Парфірыю да Пас, футбольны дырэктар і кампазытар гімна клюбу, атрымаў дазвол ад Управы адукацыі на гульню. У 1940 годзе, калі быў урачыста адкрыты стадыён Пакаэмбу, пачалася новая эра ў футболе штату Сан-Паўлу. Клюб заняў другое месца ў Лізе Паўлісты ў 1941 годзе, а праз год клюб выдаткаваў 200 бразыльскіх рэалаў, каб набыць Леонідаса з «Фламэнгу». У гэты час «Сан-Паўлу» таксама набыў аргентынца Антоніё Састрэ і шэраг бразыльцаў. З гэтымі новымі папаўненнямі «Трыкалор» стаў вядомы як «паравы каток», пяць разоў здабываючы перамогі ў чэмпіянаце штату, як то ў 1943, 1945, 1946, 1948 і 1949 гадах. Клюб прадаў сваю трэнавальную базу Каніндэ камандзе «Партугеза», каб сабраць грошы на свой новы стадыён Марумбі, будаўніцтва якога пачалося ў 1952 годзе.

Сэрыя посьпехаў 1940-х гадоў скончылася ў пачатку 1950-х, бо ў новым дзесяцігодзьдзі клуб выйграў толькі два чэмпіянаты штату — у 1953 і 1957 гадах. Чэмпіёнства 1957 году было павязанае з дапамогай 35-гадовага бразыльскага гульца зборнай Зызыньню і вугорскім трэнэрам Бэла Гутманам. І футбаліст, і трэнэр сталіся сапраўднымі кумірамі заўзятараў. Гутман ачоліў каманду ў 1957 годзе і ў тым жа годзе прывёў дружыну да чэмпіёнства^[5][6]. Падчас знаходжаньня ў Бразыліі ён дапамог папулярызаваць схему 4–2–4, якая пасьля выкарыстоўвалася зборнай Бразыліі на чэмпіянаце сьвету 1958 году. У наступныя гады клюб зь цяжкасьцю канкураваў з «Сантусам» і ягоным зорным нападнікам Пэле. Паколькі будаўніцтва стадыёна Марумбі працягвалася, «Сан-Паўлу» ўступіў у свой самы доўгі пэрыяд бяз тытулаў у сваёй гісторыі, які цягнуўся 13 гадоў.

Дасягненьні

Хатні стадыён Марумбі.

• Чэмпіён Бразыліі: 6

1977, 1986, 1991, 2006, 2007, 2008

• Кубак Бразыліі: 1

2023

• Супэркубак Бразыліі: 1

2024

• Чэмпіён штату Сан-Паўлу: 22

1931, 1943, 1945, 1946, 1948, 1949, 1953, 1957, 1970, 1971,

1975, 1980, 1981, 1985, 1987, 1989, 1991, 1992, 1998, 2000,

2005, 2021

• Кубак Лібэртадорэс: 3

1992, 1993, 2005

• Рэкопа Паўднёвай Амэрыкі: 2

1993, 1994

• Кубак КОНМЭБОЛ: 1

1994

• Супэркубак Лібэртадорэс: 1

1993

• Міжкантынэнтальны кубак: 2

1992, 1993

• Клюбны чэмпіянат сьвету: 1

2005

Склад

Актуальны на 17 верасьня 2025 году

№ Пазыцыя Імя Год нараджэньня 2 Аб Рафаэл Талой  1990 5 Аб Робэрт Арбаледа  1991 6 Аб Сэдрык Суарэш 1991 7 Нап Лукас Моўра 1992 8 ПА Аскар дус Сантус 1991 9 Нап Хонатан Кальеры  1993 10 Нап Лусіяну  1993 11 Нап Алдэмір Фэрэйра  1997 12 Бр Леандру Матыяс 2004 13 Аб Энса Дыяс  (ар. Рывэр Плэйт) 1995 14 Нап Гансалё Тапія  (ар. Рывэр Плэйт) 2002 15 ПА Радрыгіньню  2004 16 ПА Луіс Густава 1987 17 Нап Андрэ Сылва  1997 18 Аб Вэндэл  1993 19 Нап Хуан Дынэна  1994 20 ПА Маркус Антонію  (ар. Ляцыё) 2000

№ Пазыцыя Імя Год нараджэньня 21 ПА Даміян Бабадыльля  2001 22 Аб Маілтан  1998 23 Бр Рафаэл  1989 25 ПА Алісан  1993 28 Аб Алян Франка  1996 29 ПА Паблу Мая  2002 32 Аб Наўэль Фэрарэсі  1998 33 ПА Луан Сантус  1999 35 Аб Жузэ Сабіну  1996 36 Аб Патрык Ланза  2003 42 Аб Майк 2005 43 ПА Фэліпэ Нэгруччы  2004 45 Нап Лука Маркес  2007 49 Нап Раян Франсіску  2006 50 Бр Янг Мараэс 2002 77 Нап Эміліяна Рыгоні  1993 — Аб Матэўс Бэлем  2003