Эрнст Таўнсэнд

Эрнст Таўнсэнд (па-ангельску: Ernest Townsend, 1880—1944) — брытанскі мастак-партрэтыст з ангельскага гораду Дэрбі^[1][2].

Эрнст Таўнсэнд
Эрнст Таўнсэнд (аўтапартрэт)
Дата нараджэньня	1 студзеня 1880
Месца нараджэньня	Дэрбі, Ангельшчына, Вялікабрытанія[d]
Дата сьмерці	22 студзеня 1944
Месца сьмерці	Дэрбі, Ангельшчына, Вялікабрытанія
Занятак	партрэтыст
Жанры	партрэт
Эрнст Таўнсэнд у Вікісховішчы

Эрнст быў малодшым дзіцем у сям'і, да 8 гадоў яго выхоўвала старэйшая сястра^[3].

Таўнсэнд вучыўся ў Мастацкім коледжы Дэрбі да 14 гадоў, пасьля чаго быў аддадзены на вучнёўства ў архітэктурную фірму «Wright and Thorpe», далей, усьвядоміўшы, што ён не жадае быць архітэктарам, вучыўся Гізэлейскай школе прыгожых мастацтваў у Чэлсі і ў Каралеўскай акадэміі. Сярод яго сяброў былі Окастэс Джон і Обры Вінцэнт Бэрдсьлей^[4]. З 1910 па 1937 гады Таўнсэнд выстаўляў у Акадэміі 15 сваіх працаў.

Адной з найвядомейшых яго працаў зьяўляецца партрэт Ўінстана Чэрчыля^[5].

Сярод вядомых яго замоваў — распрацоўка дахаў для авіяцыйных заводаў Rolls-Royce, каб яны выглядалі для нямецкіх бамбавікоў ня больш чым вёскай^[4]. Казалі, што ён памёр ад працоўнай перанагрузкі; у 1944 году Мастацкая галерэя Дэрбі зладзіла ў ягоны гонар выставу; у Музэі і мастацкай галерэі Дэрбі па-ранейшаму захоўваецца вялікі збор яго працаў, хоць яны выстаўляюцца непастаянна^[1].