Эўджэніё Мантале

Эўджэ́ніё Манта́ле (па-італьянску: Eugenio Montale, 12 кастрычніка 1896, Генуя — 12 верасьня 1981, Мілян) — італьянскі паэт, празаік, літаратурны крытык. Пажыцьцёвы сэнатар.

Эўджэніё Мантале
Асабістыя зьвесткі
Нарадзіўся	12 кастрычніка 1896(1896-10-12)[1][2][3] Генуя, Італія[4][1]
Памёр	12 верасьня 1981(1981-09-12)[5][6][7][…] (84 гады) Мілян, Італія[1]
Пахаваны	могілкі Сан-Фэлічэ а Эма[d]
Бацькі	Domenico Montale[d][8] Giuseppina Ricci[d][8]
Сужэнец	Друзіла Танці[d]
Літаратурная дзейнасьць
Род дзейнасьці	паэт, журналіст, перакладнік, палітык, бібліятэкар, празаік, рэдактар, музычны крытык, літаратурны крытык
Мова	італьянская мова[9]
Узнагароды	Нобэлеўская прэмія ў галіне літаратуры (1975) Залаты вянок[d] (1973) honorary doctorate from the University of Nice-Sophia Antipolis[d] (1976) Прэмія Фэльтрынэльлі[d]
Подпіс
Эўджэніё Мантале ў Вікісховішчы

Біяграфія

Нарадзіўся ў сям’і камэрсанта. У юнацтве браў урокі сьпеваў, хацеў стаць опэрным сьпеваком. Удзельнічаў у Першай сусьветнай вайне. У 1920-х працаваў у флярэнтыйскім выдавецтве, у бібліятэцы. У 1938 пасьля адмовы ўступіць у фашысцкую партыю быў звольнены. У 1943 яго вершы былі нелегальна вывезеныя за мяжу і апублікаваны за мяжой (Швайцарыя). Пасьля вайны пераехаў у Мілян, супрацоўнічаў з газэтай «Кар’ерэ дэла Сэра» як літаратурны і музычны крытык.

Прызнаньне

У 1967 за заслугі перад італьянскай культурай Мантале атрымаў званьне пажыцьцёвага сэнатара, у 1975 яму была прысуджана Нобэлеўская прэмія па літаратуры. На вершы Мантале пісаў музыку італьянскі кампазытар Гафрэда Пэтрасі (1904—2003).

Творы

• Ossi di seppia / Панцыры каракаціц (1925)
• Le occasioni / Абставіны (1939)
• Finisterre / Фіністэрэ(1943)
• Farfalla di Dinard / Дынарскі матылёк (1956, вершы ў прозе)
• La bufera e altro / Бура і іншае (1956)
• Satura / Сатура (1971)
• Mottetti / Мэтэцьці (1973)
• Quaderno di quattro anni / Сшытак за чатыры гады (1977)

Беларускія пераклады

• Сон вязня: (верш) // Ад вежаў Ферары / Пераклад з італьянскай мовы Шаўня А. А. — Мн., 1974.
• Вугор: (верш) // Ад вежаў Ферары / Пераклад з італьянскай мовы Барадулін Р. — Мн., 1974.
• Узбярэжная; Твой парыў: (вершы) // Ад вежаў Ферары / Пераклад з італьянскай мовы Стральцоў М. — М., 1974.