Яльмар Сёдэрбэрг

Я́льмар Сёдэрбэрг (па-швэдзку: Hjalmar Söderberg; 2 ліпеня 1869, Стакгольм — 14 кастрычніка 1941, Капэнгаген) — швэдзкі пісьменьнік.

Вікіпэдыя мае артыкулы пра іншых асобаў з прозьвішчам Сёдэрбэрг.

Яльмар Сёдэрбэрг
Асабістыя зьвесткі
Нарадзіўся	2 ліпеня 1869(1869-07-02)[1][2] Стакгольм, Швэцыя[1][3]
Памёр	14 кастрычніка 1941(1941-10-14)[1][3][2] (72 гады) Капэнгаген, Данія[1][3]
Пахаваны	Vestre Cemetery[d][4]
Сужэнец	Märta Söderberg[d]
Дзеці	Tom Söderberg[d], Mikael Söderberg[d], Betty Söderberg[d] і Dora Söderberg[d]
Літаратурная дзейнасьць
Род дзейнасьці	журналіст, перакладнік, драматург, паэт, навэліст, малявальнік, пісьменьнік, літаратурны крытык
Гады творчасьці	з 1895
Мова	швэдзкая мова[5]
Узнагароды	Вялікая прэмія Дзевяці[d] (1934)
Яльмар Сёдэрбэрг у Вікісховішчы
http://www.soderbergsallskapet.se/

Творчасьць

Яльмар Сёдэрбэрг працаваў у розных жанрах: пісаў апавяданьні, раманы, фэльетоны, вершы, рэцэнзіі, п’есы, нарысы па гісторыі рэлігіі і інш. Дэбютны раман «Памылкі» (Förvillelser) выйшаў у 1895. Кніга выклікала вялікія дэбаты, многія палічылі яе амаральнай. У 1898 выйшаў зборнік апавяданьняў «Гісторыі» (Historietter), ён зьмяшчае ў т.л. апавяданьне «Футра» — гісторыю пра доктара Хэнка, паводле якой у Швэцыі былі зьнятыя два кароткамэтражныя фільмы (1966 і 2008). Усяго Я. Сёдэрбэрг напісаў пяць зборнікаў апавяданьняў. Вяршыняй яго творчасьці стаў дзёньнікавы раман «Доктар Глас» (Doktor Glas), у якім галоўны герой забівае пастара, якога лічыць цалкам амаральнай асобай.

Для яго твораў характэрнае перапляценьне супрацьлеглых настрояў і тэмаў: гульлівасьці і сур’ёзнасьці, пакутаў і жорсткасьці, абыякавасьці і прадпрымальнасьці. Ён выдатна перадае атмасфэру Стакгольма і настрой свайго часу, пры гэтым закранае ў творчасьці «вечныя тэмы». Творы Я. Сёдэрбэрга перакладзеныя амаль на 30 моваў, многія экранізаваліся, паводле іх ставіліся спэктаклі.

Яльмар Сёдэрбэрг займаўся таксама мастацкім перакладам. Перакладаў творы Анатоля Франса, Гайнрыха Гайнэ, Гі дэ Мапасана і інш.

Беларускія пераклады

• «Футра» / Перакл. А. Башарымавай (2014)^[6]