Янка

Я́нка — рака ў Браслаўскім і Шаркоўшчынскім раёнах Віцебскай вобласьці, левы прыток ракі Дзісны (басэйн Дзьвіны). Даўжыня 48 км. Плошча вадазбору 564 км². Выдатак вады ў вусьці 3,7 м³/с. Сярэдні нахіл воднай паверхні 0,4‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Янка (неадназначнасьць).

Рака

Янка
Агульныя зьвесткі
Выток	воз. Багданаўскае
Вусьце	Дзісна
Краіны басэйну	Беларусь
Вобласьці	Віцебская вобласьць
Даўжыня	48 км
Сярэднегадавы сьцёк	3,7 м³/с
Плошча басэйну	564 км²
Нахіл воднай паверхні	0,4 ‰

Асноўныя прытокі

• Правыя: Янка
• Левыя: Кулажка

Агульныя зьвесткі

Выцякае з Багданаўскага возера на поўдзень, за 0,5 км на паўднёвы захад ад вёскі Багданова Браслаўскага раёну, цячэ праз возера Янка, у межах паўднёва-заходняй часткі Полацкай нізіны лясістай забалочанай мясцовасьцю, вусьце на ўсходняй ускраіне мястэчка Шаркоўшчыны.

Даліна трапэцападобная (шырыня 100—350 м), у вярхоўі невыразная. Абалона ў верхняй плыні вузкая, перарывістая, ніжэй пераважна двухбаковая (шырыня 50—100 м), у нізоўі амаль адсутнічае. Рэчышча ўгору ад вусьця на працягу 39 км каналізаванае^[1].