Янка (заказьнік)

«Янка» — рэспубліканскі водна-балотны заказьнік Беларусі, абвешчаны ў лютым 2015 году на захадзе Шаркоўшчынскага раёну Віцебскай вобласьці.

«Янка»
Плошча	5848 га
Краіна	Беларусь
Геаграфічныя каардынаты	55° пн. ш. 27° у. д. / 55; 27
Месцазнаходжаньне	Шаркоўшчынскі раён
Утварэньне	4 лютага 2015 (10 гадоў таму)
«Янка» на мапе Беларусі «Янка»

4 лютага 2015 году Савет міністраў Беларусі ўхваліў Пастанову № 71 «Аб рэспубліканскіх заказьніках», паводле якой абвясьціў 9 заказьнікаў, сярод якіх быў заказьнік «Янка». Папярэдне Нацыянальная акадэмія навук Беларусі аднесла гэтыя землі да ядра экалягічнай сеткі міжнароднай значнасьці^[1]. 13 лютага 2015 году кіраўніца ўправы біялягічнай і краявіднай разнастайнасьці Мінпрыроды Беларусі Натальля Мінчанка адзначыла: «Многія аб’яўленыя заказьнікі маюць міжнародны статус аховы, хаця дагэтуль ня мелі нацыянальнага»^[2]. Паводле Пастановы № 71, у склад заказьніка «Янка» ўвайшлі 5848 гектараў ў Полаўскім лясьніцтве (Абалонь, Варапаеўскі сельсавет, Пастаўскі раён) «Пастаўскай лясной гаспадаркі». Шаркоўшчынскі раённы выканаўчы камітэт меў выдаткоўваць на ахову і дзейнасьць заказьніка са сродкаў рэспубліканскага бюджэту Беларусі. Заказьнік утварылі дзеля захаваньня леса-балотных экасыстэмаў верхавога віду, рэдкіх відаў дзікіх жывёлаў і дзікарослых балотных расьлінаў, занесеных у Чырвоную кнігу Беларусі, а таксама запасаў верхавога торфу з павышаным утрыманьнем бітуму^[3].