Яраслаў Зьвяруга

Яраслаў Генрыхавіч Зьвяруга (4 верасьня 1928, Мядзел — 4 жніўня 2011^[1]) — беларускі археоляг, кандыдат гістарычных навук (1972).

Яраслаў Зьвяруга
Дата нараджэньня	4 верасьня 1928(1928-09-04)
Месца нараджэньня	Мядзел, гміна Мядзел[d], Пастаўскі павет[d], Віленскае ваяводзтва, Польская Рэспубліка
Дата сьмерці	4 жніўня 2011(2011-08-04) (82 гады)
Месца сьмерці	Менск, Беларусь
Месца вучобы	гістарычны факультэт БДУ
Занятак	археоляг

Біяграфія

Скончыў БДУ (1953). З 1966 году ў Інстытуце гісторыі АН Беларусі. Дасьледваў старажытныя гарады Ваўкавыск, Горадню, Зьдзітаў, Ліду, Слонім, Турыйск, гарадзішчы і паселішчы Гальшаны, Гарані, Гарадок, Засьвір, Мікольцы, Сьвір, Хведзевічы, курганныя могільнікі Вайшкуны, Засьвір, Калпакі, Камена, Кастыні, Косаўшчына. Пры раскопках Ваўкавыску (1965—1971) дасьледваў фартыфікацыі, наземныя і паўзямлянкавыя жытлы XI—XIII стагодзьдзяў, рэшткі царквы XII ст., давёў існаваньне места на 250 гадоў раней за яго першы ўпамін ў пісьмовых крыніцах. На раскопках у Слоніме і Горадні выявіў жылыя і гаспадарчыя пабудовы месьцічаў. Адзін з аўтараў «Нарысаў па археалогіі Беларусі» (Ч.2, 1972).

Бібліяграфія

• Археологические работы в Слониме // Беларускія старажытнасьці. — Мн., 1972;
• Древний Волковыск X—XIV вв. — Мн., 1975;
• Славяно-балтские связи в раннем средневековье (по материалам Белоруссии) // Проблемы этногенеза и этнической истории балтов. — Вильнюс, 1985;
• Памятники Верхнего Понеманья // Белоруская археология. — Мн., 1987;
• Верхнее Понеманье в IX—XIIІ вв. — Мн., 1989.