Яраслаў Плашыл

Яраслаў Плашыл (па-чэску: Jaroslav Plašil; нар. 5 студзеня 1982 году, Опачна, Чэхаславаччына) — чэскі футбаліст, паўабаронца й былы гулец нацыянальнай зборнай Чэхіі. Добра вядомы першы за ўсё па выступах за францускі клюб «Манака». Зьяўляўся капітанам клюбу «Бардо».

Яраслаў Плашыл
Пэрсанальная інфармацыя
Нарадзіўся	5 студзеня 1982(1982-01-05)[1][2][3][…] (43 гады) Опачна[d], Рыхнаў-над-Кнежнаў[d], Усходнечэскі край[d], Чэская СР[d], Чэхаславаччына[1][4]
Рост	183 см
Вага	73 кг
Пазыцыя	паўабаронца
Клюбы
Гады	Клюб	Гульні (галы)¹
1998—2000	Градэц Кралавэ	4 (0)
2000—2007	Манака	120 (5)
2002—2003	→ Крэтэй-Люсытэно	14 (0)
2007—2009	Асасуна	66 (8)
2009—2019	Бардо	290 (15)
2013—2014	→ Катанія	28 (1)
Зборныя
1999	Чэхія (да 17)[d]	2 (1)
2002—2003	Чэхія (да 21)[d]	16 (1)
2004—2016	Чэхія	103 (7)

Кар’ера

Клюбная

Выхаванец футбольнай школы клюбу «Градэц Кралавэ». Прафэсійную кар’еру пачаў у 1998 годзе ў тым жа клюбе, у 2000 годзе перайшоў у «Манака», аднак, замацавацца ў складзе адразу ня здолеў, і таму ў 2002 годзе быў аддадзены ў арэнду ў клюб «Крэтэй» з аднайменнага прыгараду Парыжу. У 2003 годзе вярнуўся з арэнды й наступныя некалькі гадоў стала гуляў за «Манака», у складзе якога стаў фіналістам Лігі чэмпіёнаў у 2004 годзе.

У 2007 годзе заключыў чатырохгадовы кантракт з памплёнской «Асасунай»^[5]. У 2009 годзе вярнуўся ў Францыю, падпісаўшы кантракт з «Бардо» на чатыры гады, сума трансфэру склала 3 млн эўра^[6].

Міжнародная

З 1997 году выступаў за юнацкія й моладзевыя зборныя. У складзе галоўнай нацыянальнай зборнай Чэхіі дэбютаваў 31 сакавіка 2004 году ў таварыскім матчы супраць зборнай Ірляндыі, а першы гол забіў 2 чэрвеня 2004 году ў таварыскім матчы супраць зборнай Баўгарыі. Браў удзел у фінальных турнірах чэмпіянату Эўропы 2004 году й чэмпіянату сьвету 2006 году. Удзельнік чэмпіянату Эўропы 2008 і 2012 гадоў.

Дасягненьні

«Бардо»:

• Уладальнік Кубка Францыі: 2013
• Уладальнік Супэркубка Францыі: 2009

Чэхія:

• Бронзавы прызэр чэмпіянату Эўропы: 2004