Яўген Шыдлоўскі

Яўген Шыдлоўскі (нар. 13 студзеня 1991 году) — колішні беларускі футбаліст, абаронца.

Вікіпэдыя мае артыкулы пра іншых асобаў з прозьвішчам Шыдлоўскі.

Яўген Шыдлоўскі
Пэрсанальная інфармацыя
Нарадзіўся	13 студзеня 1991(1991-01-13)[1] (34 гады) Горадня, БССР, СССР
Рост	184 см
Вага	78 кг
Пазыцыя	паўабаронца
Клюбы
Гады	Клюб	Гульні (галы)¹
2011—2014	Тарпэда-БелАЗ	4 (0)
2012	→ Ліда	18 (1)
2013	→ Віцебск	21 (1)
2014	→ Мікашэвічы	26 (1)
2015—2017	Гарадзея	38 (3)
2018	Ліда	19 (2)
2019	Смалявічы	18 (0)
Зборныя
2009	Беларусь (да 19)[d]	2 (0)

Кар’ера

Клюбная

Выхаванец гарадзенскага «Белкарду». Дарослую кар’еру пачаў у дублі жодзінскага «Тарпэда», дзе выступаў у якасьці нападніка. У 2011 годзе правёў чатыры матчы за асноўную каманду. Пазьней цягам трох гадоў выступаў у арэндзе ў Першай лізе, абараняючы колеры «Ліды», «Віцебску» і «Граніту». З апошнім клюбам стаў пераможцам Першай лігі. Падчас выступаў у Першай лізе паступова апусьціўся на пазыцыю абаронцы.

Па заканчэньні сэзону 2014 году вярнуўся ў Жодзін, аднак у выніку прагляду не падышоў каманды ды ў лютым пакінуў «Тарпэда-БелАЗ»^[2]. Неўзабаве стаў гульцом «Гарадзеі»^[3], якой паводле вынікаў сэзону 2015 году дапамог прабіцца ў Найвышэйшую лігу. У студзені 2016 году падоўжыў кантракт з «цукровымі»^[4]. У сэзоне 2016 году страціў месца ў асноўным складзе «Гарадзеі», правёўшы толькі 5 матчаў у Найвышэйшай лізе. У пачатку сэзону 2017 году і ў ліпені 2017 году гуляў у першай адзінаццатцы, астатні час пераважна заставаўся на лаўцы запасных. За сэзон згуляў у 7 матчах у Найвышэйшай лізе і ў двух матчах Кубках Беларусі. У сьнежні 2017 году па заканчэньні кантракту пакінуў «Гарадзею»^[5].

У лютым 2018 году адправіўся на прагляд у «Ліду» і ў выніку падпісаў кантракт^[6]. Пачынаў сэзон у асноўным складзе, аднак у красавіку атрымаў траўму. Вярнуўся на пляцоўку толькі ў чэрвені. У студзені 2019 году стаў гульцом жыткавіцкага ЮАС^[7], аднак у красавіку таго ж году перабраўся ў «Смалявічы»^[8]. У смалявіцкай камандзе чаргаваў выхады ў стартавым складзе і на замену, зь верасня пачаў часьцей заставацца на лаўцы запасных. У студзені 2020 году пакінуў «Смалявічы»^[9] і неўзабаве быў дыскваліфікаваны на год паводле справы аб дагаварных матчахх^[10].

Міжнародная

У 2009 годзе гуляў за зборную Беларусі (да 19 гадоў) у кваліфікацыйным раўндзе чэмпіянату Эўропы.

Статыстыка

Клюб	Сэзон	Чэмпіянат
		Дывізіён	Матчы	Галы
Гарадзея	2016	Найвышэйшая ліга	5	0
	2017	Найвышэйшая ліга	7	0
Ліда	2018	Першая ліга	19	2