Black Holes and Revelations

Black Holes & Revelations — чацьверты студыйны альбом брытанскага рок-гурта Muse, выдадзены 3 ліпеня 2006 году. Запіс альбома быў зроблены ў Нью-Ёрку і Францыі. Альбом адлюстраваў зьмены ў музычным стылі гурта, на яго паўплывалі Queen, Millionaire, Sly and the Family Stone, Depeche Mode, Franz Ferdinand і музыка паўднёвай Італіі.^[1]

Black Holes & Revelations
Альбом Muse
Выдадзены	3 ліпеня 2006 году
Запісаны	жнівень-сьнежань 2005 году
Жанр	электронны рок, альтэрнатыўны рок, прагрэсіў-рок, нью-прог
Працягласьць	45:28 50:06 (з бонус-трэкам)
Выдавец	Helium 3, Warner Bros. Records
Прадусар	Рыч Косты, Muse
Храналёгія Muse
Absolution (2003)	Black Holes & Revelations (2006)	HAARP (2009)
Прафэсійны агляд
Allmusic лінк Alternative Press лінк Blender лінк Drowned in Sound лінк Guardian Unlimited лінк Music OMH лінк NME (9/10) лінк Pitchfork Media (4.2/10) лінк Rolling Stone лінк
Сынглы да Black Holes & Revelations
«Supermassive Black Hole» Выдадзены: 19 чэрвеня 2006 году «Starlight» Выдадзены: 4 верасьня 2006 году «Knights of Cydonia» Выдадзены: 27 лістапада 2006 году «Invincible» Выдадзены: 9 красавіка 2007 году «Map of the Problematique» Выдадзены: 18 чэвреня 2007 году

Лірыка альбома ўвабрала ў сябе пэўны палітычны падтэкст, навукова-фантастычныя тэмы, кансьпіратыўныя тэорыі, тэму ўварваньня прышэльцаў, а таксама болей звычайныя тэксты на тэму каханьня.

Альбом быў зьмешчаны на 34-ю пазыцыю чытачамі часопісу Q Magazine у намінацыі Лепшага гурта Вялікабрытаніі ўсіх часоў у лютым 2008 году. За першы тыдзень продажаў у Вялікабрытаніі было прададзена 115 144 копіі альбома,^[2] што было болей, чым для папярэдняга альбома Absolution. Альбом стаў двойчы плятынавым, быў намінаваны на Mercury Prize.^[3]

У Вялікабрытаніі было выдадзена 5 самотнікаў, зь якіх 3 былі выдадзеныя дадаткова ў ЗША. Было праведзенае сусьветнае турнэ, падчас якога гурт выступіў у Вялікабрытаніі, ЗША, Канадзе, Аўстраліі і большасьці краінаў Эўропы і Азіі.

Зьмест

Усе словы, акрамя «Assassin» (Muse), напісаныя Мэт’ю Бэламі. Уся музыка, акрамя «Map of the Problematique» (Мэт’ю Бэламі), напісаная Muse.

№	Назва	Працягласьць
1.	«Take a Bow»	4:35
2.	«Starlight»	3:59
3.	«Supermassive Black Hole»	3:29
4.	«Map of the Problematique»	4:18
5.	«Soldier's Poem»	2:03
6.	«Invincible»	5:00
7.	«Assassin»	3:31
8.	«Exo-Politics»	3:53
9.	«City of Delusion»	4:48
10.	«Hoodoo»	3:43
11.	«Knights of Cydonia»	6:06
12.	«Glorious (Выйшла толькі ў японскім выданьні, потым была дададзеная ў лічбавую вэрсію на iTunes.[4] Таксама выйшла ў якасьці B-сайду ў самотніку Invincible.[5])»	4:40

«Take a Bow» прагучала ў перадачы Top Gear падчас тэставаньня Noble M15 Рычардам Гэмандам. Таксама яна трапіла ў другі афіцыйны трэйлер да фільму «Хавальнікі».^[6]

Песьні, якія трапілі на абмежаванае выданьне DVD

• «Supermassive Black Hole» (відэа)
• «Starlight» (відэа)
• «Knights of Cydonia» (відэа)
• «Supermassive Black Hole» (выступ у Парыжы)
• «Starlight» (выступ у Капэнгагене на MTV Awards)
• «Knights of Cydonia» (выступ у Лёндане)

Даўжэйшая і цяжэйшая вэрсія «Assassin» (з пазнакай Grand Omega Bosses Version) была запісаная дадаткова і ёсьць на EP Knights of Cydonia.