Ceilidh Ceol

«Ceilidh Ceol» (чытаецца як [Ке́йлі Кёл]) — беларускі гурт, які грае ірляндзкую традыцыйную музыку^[1]. У рэпэртуары гурту традыцыйныя сэты танцавальнай ірляндзкай музыкі, аўтарскія танцавальныя творы і папулярныя старыя ірляндзкія песьні перакладзеныя на беларускую мову^[2]. Заснаваны ў 2005 годзе Алесем Чумаковым і Алесяй Чумаковай. Назва напісана гэльскай ірляндзкай моваю і перакладаецца як «музыка кейлі». Як тлумачаць музыкі гурту, «кейлі» — гэта прыблізна тое ж, што нашыя вячоркі.

Ceilidh Ceol
Гады	2005 — нашы дні
Месца ўтварэньня	Беларусь
Мова	беларуская
Жанр	ірляндзкая традыцыйная музыка
Удзельнікі	Алесь Чумакоў Алеся Чумакова Вера Гулюкіна Павал Саракалетаў
Былыя ўдзельнікі	Яўген Барышнікаў Юрась Баркун
ceol.by

Дыскаграфія

Альбомы

• Сыны старадаўняй Літвы (2013) — ірляндзкія гістарычныя песьні па-беларуску^[3].

Супольныя праекты

• Medieval — Музыка сярэднявечных фэстаў (2009) — зборка з удзелам, акрамя Ceilidh Ceol, гуртоў: Artes Liberalis, Musica Radicum, Lituus, Рокаш і інш.

Удзельнікі

• Алесь Чумакоў: вакал, гітара, мандаліна
• Алеся Чумакова: акардэон
• Вера Гулюкіна: скрыпка, альт
• Павал Саракалетаў: флейта, вістл, банджо^[1]

Былыя ўдзельнікі

• Яўген Барышнікаў: бойран, дарабук (да 2013 году)
• Юрась Баркун: флейта, вістл (да 2014 году)

Дадатковыя зьвесткі

Назва гурту сугучна з назвай «Келіх кола» — назва праекту Алеся Чумакова, у якім гучаць беларускія народныя танцы.