Henkel

Henkel (Henkel-Konzern, Henkel Group, па-беларуску: Гэ́нкель) — нямецкая хіміка-прамысловая кампанія, вытворца сродкаў для мыцьця і чысткі, касмэтыкі і сродкаў асабістай гігіены, клею. Паводле стану на 2011 займала 486-е месца в Fortune Global 500^[8]. Штаб-кватэра месьціца ў Дусэльдорфе.

Henkel
Тып	AG & Co. KGaA[d]
Лістынг на біржы	HEN[1] і HEN3[2]
Заснаваная	26 верасьня 1876
Краіна	Нямеччына[3]
Разьмяшчэньне	Дусэльдорф, Нямеччына
Галіна	хімічная прамысловасьць[d]
Прадукцыя	мыцьцё[d]
Лік супрацоўнікаў	▼48 900 чал. (2023)[4]
Даччыныя кампаніі	Henkel (Злучаныя Штаты)[d], Henkel (Нідэрлянды)[d], Henkel (Бэльгія)[d], Henkel (Ірляндыя)[d], Erste Deutsche Walfang-Gesellschaft[d][5], Henkel[d][6], Papier- und Pappe[d][7] і Henkel Central Eastern Europe GmbH[d]
https://www.henkel.com/, https://www.henkel-de/
Henkel у Вікісховішчы

Гісторыя

У 1876 годзе ў Аахэне малады гандляр Фрыц Гэнкель разам з двума сябрамі заснаваў кампанію Henkel&Cie, якая вырабляла Universalwaschmittel — першы ўнівэрсальны пральны парашок, прыгатаваны на аснове сылікатаў. Значны імпульс у разьвіцці фірма атрымала ў 1907 годзе дзякуючы вываду на рынак маркі Persil. Рэклямуючы сваю прадукцыю, уладальнікі Henkel першымі сярод іншых нямецкіх кампаній пачалі інфармаваць пакупнікоў аб складзе і асаблівасьцях прадукцыі. Да канца XX стагодзьдзя Henkel ператварылася ў буйную міжнародную карпарацыю^[9].

Падчас Другой сусьветнай вайны кампанія Henkel выкарыстоўвала працу зьняволеных і ваеннапалонных^[10].

У 1995 годзе пасьля паглынаньня кампаніі Schwarzkopf у складзе Henkel Group створана касмэтычнае падразьдзяленьне Schwarzkopf & Henkel^[11], якое спэцыялізуецца на сродках па догляду за валасамі.

Дзейнасьць у Беларусі

7 сьнежня 2021 году стала вядома, што Henkel адмовілася рэклямавацца на БТ пасьля крытыкі Libereco. «Мы шакаваныя тым, што нямецкія кампаніі фінансуюць тэлеканалы Лукашэнкі за кошт рэклямных сродкаў, нягледзячы на шматлікія задакумэнтаваныя парушэньні правоў чалавека ў Беларусі. Перад і пасьля прапагандысцкіх выпускаў навін і праграмаў, у якіх вывальваюць тоны бруду на крытыкаў рэжыму, кампанія Henkel дае рэкляму мыйных сродкаў. Калі мэдычнае абслугоўваньне 900 палітвязьняў зусім неадэкватнае, нямецкія фармацэўтычныя кампаніі рэклямуюць свае лекі. Гэтыя вельмі сумнеўныя з маральнага пункту гледжаньня акцыі павінны быць неадкладна спыненыя», — заявіла Марка Фібэр, кіраўніца нямецкага аддзяленьня Libereco^[12].