Motorola

Motorola Inc. (NYSE: MOT; прамаўляецца як Матаро́ла) — адзін з сусьветных лідэраў у вобласьці інтэграваных тэлекамунікацыяў, і ўбудаваных электронных сыстэм, уваходзіць у сьпіс Fortune 100 найбуйнейшых кампаніяў у ЗША. Штаб-кватэра — у Шаўмбургу, штат Ілінойс (ЗША).

Motorola Inc.
Тып	публічная кампанія
Лістынг на біржы	NYSE: MOT
Заснаваная	1928
Краіна	ЗША[1]
Разьмяшчэньне	Шаўмбург, штат Ілінойс (ЗША)
Закрытая	4 студзеня 2011
Ключавыя фігуры	Саньджай Джа (старшыня рады дырэктараў і галоўны кіраўнік)
Галіна	Вытворчасьць тэлекамунікацыйнага абсталяваньня
Прадукцыя	мабільны тэлефон
Абарачэньне	▼ $36,6 млрд (2007)
Чысты прыбытак	▼ -$49 млн (чыстая страта, 2007 год)
Лік супрацоўнікаў	66 тыс. чалавек (сьнежань 2006 году)
Даччыныя кампаніі	General Instrument[d], Netopia[d], Good Technology[d], Codex Corporation[d], Motorola (United Kingdom)[d], Motorola (Italy)[d], Motorola (Germany)[d], Motorola (France)[d] і Motorola (Canada)[d]
www.motorola.com
Motorola Inc. у Вікісховішчы

Гісторыя

У 1928 годзе кампанія Motorola пачала сваё існаваньне як сямейная кампанія Galvin Manufacturing, заснаваная братамі Палам і Джозафам Галвінамі. На працу было прынята 5 чалавек, агульная зарплата якіх складала 63 даляры ў тыдзень.

Motorola была ў ліку адных з заснавальнікаў сучасных сыстэм мабільнай сувязі: першы ў сьвеце камэрцыйны партатыўны мабільны тэлефон, Motorola DynaTAC 8000X, быў выпушчаны 6 сакавіка 1983 году. Навінка, вагай амаль у 800 грам, акумулятарам, якога хапала на 8 гадзін, і памерамі 33×4,4×8,9 см каштавала $3995 — аднак выклікала ў ЗША вялікі ажыятаж.

Адна зь першых мадэляў мабільных тэлефонаў Motorola

Зьліцьці і паглынаньні

19 верасьня 2006 году Motorola «паглынула» Symbol Technologies, Inc. (гандлёвая марка Symbol прыналежыла The Enterprise Mobility Company; штаб-кватэра ў ЗША). Symbol мела каля 900 патэнтаў у вобласьці лязэрнага сканаваньня, імідж-сканаваньні рыска-кодаў, RFID, лязэрных праекцыйных дысплэяў, тэхналёгій мабільных вылічэньняў, бесправадных тэхналёгій і вырабіла больш за 7 млн сканараў-рыска кода і тэрміналаў збору зьвестак. Сума ўгоды склала каля $3,9 млрд ($15 за акцыю).^[2]

Паходжаньне назвы

Кампанія завецца па адным з сваіх першых прадуктаў — аўтамабільнаму радыёпрымачу Motorola: па-ангельску: motor — транспартны сродак, плюс -ola — распаўсюджаны ў той час суфікс для гукапрайгравальнай тэхнікі (магнітола, радыёла).

Старшыня рады дырэктараў і галоўны кіраўнік кампаніі — Грэг Браўн (Greg Brown).

Структура кампаніі

У кампаніі Motorola 3 ключавых падпадзяленьня^[3]:

• Мабільныя рашэньні для прадпрыемстваў (Enterprise Mobility Solutions)
• Мабільныя рашэньні для дому і апэратараў сетак (Home & Networks Mobility)
• Мабільныя прылады (Mobile Devices)

Дзейнасьць

Аб’ём продажаў кампаніі Motorola ў 2006 годзе склаў $42,9 млрд (у 2005 — 36,8 млрд), чысты прыбытак — $3,4 млрд. Выручка за 2007 год — $36,6 млрд. Чыстая страта ў 2007 годзе — $49 млн.^[4] Асноўныя праблемы кампаніі зьвязаныя са стратамі падпадзяленьня па вытворчасьці мабільных тэлефонаў.

Дабрачыннасьць

• Motorola зьяўляецца адной з кампаній-забясьпечнікаў Амэрыканскага інстытута прадпрымальніцтва.

Дадатковыя зьвесткі

• У цяперашні час новыя мадэлі мабільных тэлефонаў кампаніі працуюць на open-source плятформе MOTOMAGX, заснаванай на АС GNU/Linux, і яе рэалізацыі Java. У 2008 годзе Motorola плянуе давесьці дзель тэлефонаў на аснове Linux да 60 %.
• Акрамя мабільных тэлефонаў кампанія Motorola выпускае: мадэмы для сетак кабэльнага тэлебачаньня, прылады для зарадкі бытавых батарэяў (гальванічных элемэнтаў).