Portishead

Portishead (вымаўляецца — [партысгэ́д]) — брытанскі музычны гурт з Брысталю, які іграе музыку ў стылі трып-гоп, створаны ў 1991 годзе. Калектыў названы па імені мястэчка Партысгэд, разьмешчанага за 12 міляў на захад ад Брысталю. З рупліва адабранымі сэмпламі з жывога джазу і наўмысна скажонага лоў-фай гуку, гурт зьявіўся крыніцай натхненьня шматлікіх сучасных музыкаў.

Portishead
Portishead у Wolverhampton Civic Hall у 2008
Гады	з 1991 — дагэтуль
Краіна	Вялікабрытанія
Месца ўтварэньня	Вялікабрытанія
Жанр	трып-гоп, лоў-фай
Выдавец	Island Records
Удзельнікі	Джэф Бэраў Бэт Гібанз Адрыян Атлі
portishead.co.uk

Гісторыя

Dummy (1994)

Першы альбом Portishead «Dummy» выйшаў у сьвет у 1994 годзе. Істотны ўклад у гучаньне «Dummy» зрабіў гітарыст Адрыян Атлі. Нягледзячы на непрыязнае стаўленьне гурту да журналістаў і мэдыякампаніяў, альбом стаў вельмі пасьпяховым як у Эўропе, так і ў Злучаных Штатах (дзе альбом распрадаўся 150 000 копіямі нават да пачатку афіцыйнага туру^[1]). Dummy спарадзіў тры гіт-самотнікі: «Numb», «Sour Times», «Glory Box» і атрымаў Mercury Music Prize ў 1995 годзе^[2]. У 2003 годзе альбом разьмесьціўся на 419 радку ў сьпісе найлепшых альбомаў усіх часоў па вэрсіі амэрыканскага часопіса «Rolling Stone»^[3]. Музыка Portishead таксама выкарыстоўвалася ў якасьці музыкі да рэклямных ролікаў на канале Channel 4 і гучала ў падлеткавай драме «Sugar Rush».

Дыскаграфія

Асноўны артыкул: Дыскаграфія Portishead

• Dummy (1994)
• Portishead (1997)
• Third (2008)