Shades of Deep Purple

Shades of Deep Purple — дэбютны альбом Deep Purple, запісаны праз два месяцы рэпэтыцыяў усяго за тры дні з 11 па 13 траўня 1968 году на Pye Studios у Лёндане. У ЗША выйшаў ў ліпені, дзякуючы лэйблу Tetragrammaton Records, а ў Вялікай Брытаніі — у верасьні 1968 году (Parlophone). Зьмяшчае чатыры арыгінальныя песьні і чатыры кавэры, старанна пераробленыя, каб гучаць больш псыхадэлічна. Стылістычна музыка блізкая да псыхадэлічнага року і прагрэсіўнага року, то бок тых двух жанраў, якія былі папулярныя ў канцы 1960-х гадох.

Shades of Deep Purple
Студыйны альбом Deep Purple
Выдадзены	1968
Працягласьць	43.34
Выдавец	Tetragrammaton Records (ЗША), Parlophone (Вялікабрытанія)
Прадусар	Дэрэк Лоўрэнс

У Вялікабрытаніі альбом застаўся незаўважаным і не ўвайшоў у чарты, але ў ЗША ўзьняўся да #24 радок у сьпісе Billboard 200^[1]. Добрыя продажы альбому ў ЗША і прайграваньне сынгла «Hush» на радыё ў значнай ступені садзейнічалі ўвазе да Deep Purple за часам іхных раньніх тураў па ЗША, а таксама на працягу 1970-х гадоў. Сучасныя рэцэнзіі на альбом ёсьць у цэлым станоўчымі, і крытыкі лічаць Shades of Deep Purple важным творам у гісторыі гурта. Альбом быў рэмастыраван і перавыдадзены ў 2000 годзе зь пяцьцю бонус-трэкамі.

Зьмест

Бок 1

1. «And the Address» (Рычы Блэкмар, Джон Лорд) — 4:38
2. «Hush» (Джо Саўт) — 4:24
3. «One More Rainy Day» (Род Эванз, Лорд) — 3:40
4. «Prelude: Happiness/I’m So Glad» (Блэкмар, Эванз, Лорд, Ен Пэйс, Нік Сымпэр, Мікалай Рымскі-Корсакаў/Скіп Джэймз) — 7:19

Бок 2

1. «Mandrake Root» (Блэкмар, Эванз, Лорд) — 6:09
2. «Help!» (Джон Ленан, Пол Макартні) — 6:01
3. «Love Help Me» (Блэкмар, Эванз) — 3:49
4. «Hey Joe» (Білі Робэртс) — 7:33

Бонус-трэкі на перавыданьні 2000 году

1. «Shadows» album outtake (Блэкмар, Эванз, Лорд, Пэйс, Сымпэр) — 3:38
2. «Love Help Me» instrumental version (Блэкмар, Эванз) — 3:29
3. «Help!» alternate take (Ленан, Макартні) — 5:23
4. «Hey Joe» BBC Top Gear session (Робэртс) — 4:05
5. «Hush» live U.S. TV(Саўт) — 3:53

Склад гурта

• Род Эванз — вакал
• Нік Сымпэр — бас-гітара, бэк-вакал
• Рычы Блэкмар — гітара
• Джон Лорд — клявішныя, бэк-вакал
• Ян Пэйс — ударныя