Пол Макартні

Пол Макартні (па-ангельску: James Paul McCartney) — брытанскі кампазытар, рок-музыка, сьпявак. Адзін з заснавальнікаў і ўдзельнікаў групы The Beatles.

Пол Макартні
Джэймз Пол Макартні
Дата нараджэньня	18 чэрвеня 1942(1942-06-18)[1][2][3][…] (83 гады)
Месца нараджэньня	Walton Hospital[d], Лівэрпул[d], Ланкашыр, Ангельшчына, Вялікабрытанія[4]
Грамадзянства	Вялікабрытанія
Месца вучобы	Вышэйшая школа Лівэрпульскага інстытуту для хлопчыкаў[d] Liverpool Institute for Performing Arts[d] West Kirby Grammar School[d]
Прафэсія	сьпявак, кампазытар, музыка, кінапрадусар, бізнэсмэн
Месца працы	Liverpool Institute for Performing Arts[d]
Гады дзейнасьці	1957 — дагэтуль
Псэўданімы	Percy "Thrills" Thrillington, Paul Ramon і Apollo C. Vermouth
Сябра ў	Амэрыканская акадэмія мастацтваў і літаратуры[d], Амэрыканская акадэмія мастацтваў і навук[d], The Beatles[5], Wings[d][6], The Quarrymen[d], The Beat Brothers[d] і Rockestra[d]
Жанры	рок, поп, псыхадэлічны рок, рок-н-рол, гард рок, клясычная музыка
Вакал	тэнар[d]
Інструмэнты	вакал, бас-гітара, фартэпіяна, арган, мэлатрон, мандаліна, ударныя
Псэўданімы	Percy Thrillington
Гурты	The Beatles, Wings
Супрацоўніцтва	«Пітар і Гордан» «Бадфінгер» Майкл Джэксан Стыві Ўандар Элвіс Кастэла
Лэйблы	Hear, Apple, Parlophone, Capitol, Columbia, Concord, EMI, One Little Indian, Vee-Jay
Бацька	Джым Маккартні[d]
Маці	Мэры Маккартні[d]
Дзеці	Хізэр Маккартні[d], Мэры Маккартні[d], Стэла Маккартні[d], Джэймз Маккартні[d] і Бэатрыс Маккартні[d]
Узнагароды	Асоба году «MusiCares»[d] (2012) Grammy Award for Best Historical Album[d] (2011) Заля славы рок-н-ролу (1999) прэмія Роду[d] Silver Clef Award[d] прэмія Polar Music[d] Гершвінаўская прэмія[d] (2010) прэмія Вольфа ў мастацтве[d] (2018) сябра Амэрыканскай акадэміі мастацтваў і навук[d] ганаровы доктар Ельскага ўнівэрсытэту[d] (2008) зорка на галівудзкай «Алеі славы»[d] Premios Oye![d] Classic Brit Awards[d]
Сайт	paulmccartney.com
Подпіс
Пол Макартні ў Вікісховішчы

У інтэрнет-апытаньні, праведзеным BBC News Online, быў названы «найвялікшым кампазытарам тысячагодзьдзя» і апярэдзіў Баха, Моцарта і Бэтговэна^[7]. Аўтар адных з найбольш славутых песень у гісторыі папулярнай музыкі — сярод іх найбольш сьпяваная ў сьвеце (больш за 3 тысячы кавэр-вэрсій^[8]) песьня «Учора» (па-ангельску: Yesterday), «Няхай будзе так» (па-ангельску: Let It Be), «Мыс Кінтайр» (па-ангельску: Mull of Kintyre) ды іншыя.

Па зьвестках кнігі рэкордаў Гінэса, зьяўляецца музыкам, які болей за ўсіх у сьвеце прадаў сваіх запісаў (400 мільёнаў дыскаў), мае найбольш у сьвеце песень, якія занялі першае месца ў сьпісах папулярнасьці (50), выступаў перад самай вялікай у сьвеце музычнай аўдыторыяй (350 тысячаў)^[9] і зьяўляецца найбагацейшай рок-зоркай у сьвеце зь ліку тых, хто дагэтуль выступае (730 мільёнаў даляраў ЗША)^[10].

Жыцьцяпіс

Нарадзіўся 18 чэрвеня 1942 году ў Лівэрпулі (Вялікабрытанія) ў ірляндзкай сям’і. У 1956 годзе маці Пола памерла ад раку грудзей. Пасьля сьмерці маці самастойна навучыўся іграць на гітары. Раньняя страта маці стала адной з прычынаў збліжэньня Пола з Джонам Ленанам, чыя маці загінула, калі Джону было 17 гадоў.

Упершыню Джон і Пол сустрэліся 6 ліпеня 1957 году. Менавіта Пол пазьней угаварыў Джона ўзяць у музычную групу Джона The Quarrymen сябра Пола Джорджа Гарысана. Так утварылася аснова будучых легендарных The Beatles, у складзе якіх Пол выступаў з 1960 па 1970 год. Пасьля распаду The Beatles займаўся сольнай кар’ерай і ўтварыў музычную групу Wings (Крылы).

У 1969 годзе ажаніўся зь Ліндай Істман, зь якой меў 4 дзяцей. Лінда выступала с Полам у складзе Wings. У 1998 годзе Лінда, як і маці Пола, памерла ад раку грудзей.

Пасьля сьмерці Лінды быў яшчэ двойчы жанаты: з Гэтэр Мілз і Нэнсі Шэвэл.

Творчасьць

У групе The Beatles разам з Джонам Ленанам Пол утварыў адзін з самых славутых аўтарскіх дуэтаў у гісторыі сусьветнай папулярнай музыкі.

На працягу ўсёй сваёй больш чым 50-гадовай музычнай кар’еры заставаўся творча актыўным і рэгулярна выпускаў музычныя альбомы і даваў канцэрты. З чатырох удзельнікаў The Beatles пасьля распаду групы Пол меў найбольш пасьпяховую сольную музычную кар’еру^[11].

Надзелены шматбаковым талентам акрамя папулярнай музыкі Пол творча выявіў сябе ў клясычнай музыцы (найбольш вядомы зь яго клясычных твораў — «Лівэрпулская араторыя»), жывапісу, паэзіі і кінематаграфіі.

Дыскаграфія

Год выданьня	Альбом	Экспэртны рэйтынг AllMusic
1970	McCartney [12]
1971	Ram (Баран) [13] запісаны разам зь Ліндай Макартні
1971	Wild Life (Дзікае жыцьцё) [14] першы альбом Wings
1973	Red Rose Speedway (Сьпідвэй чырвонай ружы) [15] альбом Wings
1973	Band on the Run (Аркэстар (банда — гульня словаў) ва ўцёках) [16] альбом Wings
1975	Venus and Mars (Вэнэра і Марс) [17] альбом Wings
1976	Wings at the Speed of Sound (Крылы з хуткасьцю сьвятла) [18] альбом Wings
1976	Wings over America (Крылы над Амэрыкай) [19] патройны канцэртны альбом Wings
1977	Thrillington [20] інструмэнтальная вэрсія альбома «Баран», выдадзеная Полам Макартні пад псэўданімам Пэрсі Трылінгтан (Percy Thrillington)
1978	Wings Greatest (Найвялікшае «Крылаў») [21] зборнік найлепшых песень Wings
1978	London Town (Горад Лёндан) [22] альбом Wings
1979	Back to the Egg (Назад да яйка) [23] альбом Wings
1980	McCartney II [24] другі сольны альбом Пола Макартні
1982	Tug of War (Перацягваньне канату) [25]
1983	Pipes of Peace (Трубы міру) [26]
1984	Give My Regards to Broad Street (Перадайце маё прывітаньне Шырокай вуліцы) [27] гукавая сьцежка да аднайменнага фільму
1986	Press to Play (Націсьні, каб зайграла) [28]
1987	All the Best (Усё найлепшае) [29] падвойны альбом найлепшых песень Пола Макартні
1988	Снова в СССР (Зноў у СССР) [30] альбом выдадзены выключна ў СССР
1989	Flowers in the Dirt (Кветкі ў брудзе) [31]
1990	Tripping the Live Fantastic (Фантастычнае канцэртнае падарожжа) [32] падвойны канцэртны альбом
1991	Liverpool Oratorio (Лівэрпулская араторыя) [33]
1993	Off the Ground (Над зямлёй) [34]
1993	Paul Is Live (Пол жыве) [35] канцэртны альбом
1997	Flaming Pie (Пірог у агні) [36]
1997	Paul McCartney’s Standing Stone (Менгір Пола Макартні) [37] другі клясычны твор Пола Макартні
1999	Run Devil Run (Бяжы, чарцянё, бяжы) [38]
2000	Liverpool Sound Collage (Лівэрпулскі гукавы калаж) [39] экспэрымент Пола Макартні з электроннай музыкай
2001	Wingspan: Hits and History (Размах крылаў: гіты і гісторыя) [40] падвойны альбом найлепшых песень Wings
2001	Driving Rain (Лівень) [41]
2002	Back in the U.S. (Зноў у ЗША) [42] канцэртны альбом
2005	Chaos and Creation in the Backyard (Хаос і стварэньне ў падворку) [43]
2006	Ecce cor meum (Вось маё сэрца) [44] чацьвёрты альбом клясычнай музыкі Пола Макартні, араторыя
2007	Memory Almost Full (Амаль поўнасьцю запоўненая памяць) [45]
2009	Good Evening New York City (Добры вечар, Нью Ёрк) [46] канцэртны альбом
2011	Paul McCartney’s Ocean’s Kingdom (Акэянічнае каралеўства Пола Макартні) [47] пяты альбом клясычнай музыкі Пола Макартні, балет
2012	Kisses on the Bottom (Пацалункі напрыканцы лісту) [48] студыйны альбом
2013	New (Новы) [49] студыйны альбом

Макартні на канцэрце Live 8, 2 ліпеня 2005 году

Літаратура

• Benson, Ross. Paul McCartney: Behind the Myth. London, 1992.
• Gambaccini, Paul. Paul McCartney: In His Own Words. London, 1993.
• Gambaccini, Paul. The McCartney Interviews: After the Break-Up. London, 1996.
• Harry, Bill. The Paul McCartney Encyclopedia. London, 2003.
• Gracen, Jorie B. Paul McCartney: I Saw Him Standing There. London, 2000.
• Lewisohn, Mark. Wingspan. London, 2002.
• McGee, Garry. Band on the Run: A History of Paul McCartney and Wings. London, 2003.
• Miles, Barry. Paul McCartney: Many Years From Now. London, 1998.
• Miles, Barry. The Beatles Diary: After the Break-Up 1970—2001. London, 2001.
• Peel, Ian. The Unknown Paul McCartney. London, 2002.
• Бенсон, Росс. Пол Маккартни. Личность и миф. М., 1993.
• Максимов, Анатолий. McCartney. День за днем. М., 2002.