U2

U2 (вымаўляецца «Ю Ту») — рок-гурт з Дубліна (Ірляндыя). Сфармаваны ў 1976 року, U2, пачынаючы зь сярэдзіны 80-х, зьяўляецца адным з самых папулярных і пасьпяховых гуртоў у сьвеце. Было прададзена каля 140 мільёнаў альбомаў гурта^[1]. Па стане на 2006 рок у іх актыве было дваццаць дзьве прэміі «Грэмі»^[2], больш, чым у любога іншага гурту ў сьвеце.

U2
Эдж і Бона
Гады	1976 — цяпер
Краіна	Ірляндыя
Месца ўтварэньня	Ірляндыя
Мова	ангельская
Жанр	рок
Выдавец	Island Records[d], Interscope Records[d], Columbia Records[d] і Mercury Records[d]
Зьвязаныя праекты	Green Day
Удзельнікі	Бона Эдж Адам Клейтан Лары Мален-малодшы
Узнагароды і прэміі	Заля славы рок-н-ролу (2005) American Music Award for Artist of the Year[d] (2002) Амбасадар сумленьня[d] (2005) BRIT Awards[d] Michael Jackson Video Vanguard Award[d] CASBY Award[d] NRJ Music Award d'honneur[d] (2005) NRJ Music Award d'honneur[d] (2017) MTV Europe Music Award for Global Icon[d]
u2.com

Гісторыя

Гурт быў сфармаваны, калі Бона (вакал і гітара), Эдж (гітара, клявішы і вакал) і Адам Клейтан (бас-гітара) адгукнуліся на аб’яву, разьмешчаную Лары Маленам-малодшым; у той час яны былі падлеткамі-музыкамі сярэдняе рукі. Да сярэдзіны 80-х яны выпусьцілі 4 альбомы й здабылі адданы рух фанатаў — большай часткай за кошт гастроляў, непаўторнага, які стаў візытоўкай, выкананьня гітарных партыяў Эджам, голасу Бона й глыбокіх па зьмесьце тэкстаў песень. Статус зорак яны здабылі з выхадам у 1987 року альбома The Joshua Tree, які часта называюць адным з найвялікшых альбомаў рока ^[3].

На пачатку 90-х яны адказалі на рэвалюцыю ў альтэрнатыўнай і танцавальнай музыцы, на крытыку на сваю адрэсу, і на тое, што, па іх меркаваньні, было застоем у музыцы, альбомам Achtung Baby й грандыёзным шоў Zoo TV. Тым часам яны бесьперастанку экспэрымэнтуюць, дасьледуючы розныя музычныя кірункі. У 1995 годзе гурт запісаў сынгл «Miss Sarajevo» пры ўдзеле Браяна Іна і Лючана Павароцьці.

На пачатку XXI стагодзьдзя U2 грае больш звыклую музыку, але выкарыстоўвае свае ранейшыя напрацоўкі й працягвае карыстацца посьпехам у публікі й крытыкаў. У 2004 року гурт заняў 22 месца са 100 у рэйтынгу «Найлепшыя артысты ўсіх часоў» (100 Greatest Artists of All Time) часопіса Rolling Stone^[4]. У 2005 іх уключылі ў «Залю славы рок-н-ролу».

Чальцы гурту вядомыя за сваю актыўную палітычную дзейнасьць у сфэры правоў чалавека й сацыяльнае справядлівасьці: удзел у «Міжнароднай амністыі», Make Poverty History, кампаніі ONE, фэстывалі Live 8, DATA — Debt, AIDS, Trade in Africa Бона й Music Rising Эджа. У 1985 годзе гурт выступіў на дабрачынным канцэрце Live Aid у падтрымку галадаючых у Афрыцы.

Дыскаграфія

• Boy (1980)
• October (1981)
• War (1983)
• The Unforgettable Fire (1984)
• The Joshua Tree (1987)
• Rattle and Hum (1988)
• Achtung Baby (1991)
• Zooropa (1993)
• Pop (1997)
• All That You Can't Leave Behind (2000)
• How to Dismantle an Atomic Bomb (2004)
• No Line on the Horizon (2009)
• Songs of Innocence (2014)
• Songs of Experience (2017)
• Songs of Surrender (2023)