Іван Гайцэвіч

Іван Гайцэвіч (Івашка; ? — па 1452) — дзяржаўны дзяяч Вялікага Княства Літоўскага, староста наваградзкі (1433—1435), намесьнік полацкі (1441—1444) і віцебскі (1445—1452).

Іван Гайцэвіч
лац. Ivan Gajcevič

Асабістыя зьвесткі
Памёр	па 1452

Вотчынныя ўладаньні, відаць, знаходзіліся ў Наваградзкім павеце.

Імя

Асноўны артыкул: Гайд

Гайд, пазьней Гайт (Gaidus, Geith) — імя германскага паходжаньня^[1]. Вытворныя германскія імёны — Gaike, Gaitse^[2]. Іменная аснова -гайд- (-гайт-, -гейт-) (імёны ліцьвінаў Гейдар, Гейтарт, Гайдэман; германскія імёны Geiter, Gaiterda, Geidemann) паходзіць ад германскага gaid 'рагаціна, дзіда'^[3].

Варыянты імя ў гістарычных крыніцах: Iwaskonis Goyczovicz Nowogrodensis [tenutariorum] [sigilla] (20 студзеня 1433 году)^[4]; Iwaschko Goyczewicz, Ивашко Кгоицевич^[5].

Біяграфія

Зь літоўскага баярскага роду, карыстаўся гербам негарадзельскага паходжаньня. Меў братоў Юрыя (Юшку) і Фёдара (Федзьку).

Упершыню ўпамінаецца ў акце Троцкай уніі (1433 год). У 1433—1435 гадох быў старостам наваградзкім, у 1441—1444 гадох — намесьнікам полацкім, у 1445—1452 гадох — намесьнікам віцебскім. У 1445 годзе быў адным з водцаў войска ВКЛ у вайне з Маскоўскай дзяржавай. У 1445 і 1446 гадох браў удзел у пасольствах да Вялікага магістра. У 1447 годзе браў удзел у перамовах з пытаньня граніцы зь Інфлянтамі^[6].

Ажаніўся з Агрыпінай (Кацярынай), дачкой князя Васіля Астроскага. Не пакінуў нашчадкаў.

Мова і культура

Асноўныя артыкулы: Ліцьвіны і Русіны

Да акту Троцкай уніі (1433 год) прывесіў пячаць з рускім надпісам^[7]:

ПЕЧАТЬ ІВШЬКА КГОІЧОВЧА