Адроў

Адро́ў — рака ў Беларусі, правы прыток Дняпра. Цячэ ў Аршанскім, Сеньненскім і Талачынскім раёнах. Даўжыня 75 км. Плошча вадазбору 676 км². Выдатак вады ў вусьці 4,4 м³/с. Сярэдні нахіл воднай паверхні 0,9‰.

Рака

Адроў лац. Adroŭ
Агульныя зьвесткі
Выток	в. Дубніцы
Вусьце	Дняпро
Краіны басэйну	Беларусь
Вобласьці	Віцебская вобласьць
Даўжыня	75 км
Сярэднегадавы сьцёк	4,4 м³/с
Плошча басэйну	676 км²
Нахіл воднай паверхні	0,9 ‰
Галерэя здымкаў у Вікісховішчы

Асноўныя прытокі

• Камяніца, Дзярноўка, Сакалянка, Барань

На рацэ

• Места: Барань

Агульныя зьвесткі

Пачынаецца з мэліярацыйнай канавы каля вёскі Дубніцаў Аршанскага раёну, вусьце на паўднёвай ускраіне места Воршы. Цячэ Аршанскім узвышшам.

Даліна выразная, да вёскі Пагосту трапэцападобная, ніжэй карытападобная, шырынёй 0,6—0,8 км. Абалона пераважна двухбаковая, шырынёй 0,1—0,3 км. Рэчышча ў вярхоўі на 12,5 км да вёскі Пількавічаў Сеньненскага раёну каналізаванае, далей зьвілістае, шырыня ракі ў межань 15—20 м^[1]. Берагі ў вярхоўі нізкія, у сярэдняй і ніжняй плынях стромкія і абрывістыя, вышынёй 5—7 м, месцамі да 20 м. На рацэ каля вёскі Дубніцаў плаціна і сажалка (плошча 1 га), у абалоне каля вёскі Барані Аршанскага раёну наліўная сажалка (плошча 2 га).

Дзесьці ў басэйне ракі некалі існавала места Одрск.