Азарыцкі сельсавет (Даманавіцкі раён)

Азарыцкі сельсаве́т — былая адміністрацыйна-тэрытарыяльная адзінка ў складзе Даманавіцкага раёну Мазырскай акругі. Адміністрацыйны цэнтар — мястэчка Азарычы.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Азарыцкі сельсавет.

Азарыцкі сельсавет
Агульныя зьвесткі
Краіна	СССР
Статус	сельсавет Беларусі[d] і былая адміністрацыйна-тэрытарыяльная адзінка[d]
Адміністрацыйны цэнтар	Азарычы
Дата ўтварэньня	1917
Дата скасаваньня	17 лістапада 1959
Дадатковыя мультымэдыйныя матэрыялы

Гісторыя

У 1917 годзе створаны ў складзе Азарыцкай воласьці Бабруйскага павету Менскай (з 29 жніўня 1919 году да 10 жніўня 1920 году — Гомельскай) губэрні РСФСР (з 1 студзеня 1919 году — Беларускай ССР), з 10 жніўня 1920 году да 17 ліпеня 1924 году — Азарыцкай воласьці Бабруйскага павету Менскай губэрні (да 18 сакавіка 1921 году), з 20 жніўня 1924 году — Азарыцкага (з 25 ліпеня 1931 году — Мазырскага, з 12 лютага 1935 году — Даманавіцкага) раёну Мазырскай акругі (17 ліпеня 1924 году — 26 ліпеня 1930 году, 21 чэрвеня 1935 году — 20 лютага 1938 году), з 20 лютага 1938 году — Палескай (з 8 студзеня 1954 году — Гомельскай) вобласьці з цэнтрам у вёсцы Азарычах (з 15 ліпеня 1935 году — мястэчка, з 27 верасьня 1938 году — вёска)^[1].

24 верасьня 1926 году сельсавет рэарганізаваны ў нацыянальны габрэйскі. У 1935 годзе сельсавет пераўтвораны ў беларускі.

16 ліпеня 1954 году сельсавету перададзеныя населеныя пункты скасаванага Халмянскага сельсавету.

17 лістапада 1959 году Азарычам нададзены статус гарадзкога пасёлку. У сувязі з гэтым Азарыцкі сельсавет скасаваны, населеныя пункты перададзеныя навастворанаму Азарыцкаму пасялковаму савету ў складзе Даманавіцкага (з 20 студзеня 1960 году — Каленкавіцкага) раёну Гомельскай вобласьці^[2].

Населеныя пункты

• 1 студзеня 1947 году — 2^[3]
• 1 чэрвеня 1955 году — 9^[4]