Аляксандар Анісімаў

Аляксандар Анатольевіч Анісімаў (красавік 1963, м. Менск, БССР, СССР — 27 студзеня 2025, м. Менск, Беларусь) — беларускі рэжысэр-пастаноўшчык і сцэнарыст мастацкага і дакумэнтальнага кіно.

Аляксандар Анатольевіч Анісімаў
Дата нараджэньня	красавік 1963
Месца нараджэньня	Менск, БССР, СССР
Дата сьмерці	27 студзеня 2025(2025-01-27) (61 год)
Месца вучобы	Беларуская акадэмія мастацтваў (1994)
Занятак	актор

Жыцьцяпіс

Аляксандар Анісімаў у 1994 годзе скончыў Беларускую дзяржаўную акадэмію мастацтваў, майстэрню кінарэжысэра Віктара Турава. З 1992 года пачаў здымаць як рэжысэр, першая работа — кароткамэтражка «Кот».

Найбольш значныя яго мастацкія фільмы — «Неверагоднае перамяшчэньне» (2014), «Сьляды на вадзе» (2016), «Трымайся за аблокі» (2018), «Авантуры Пранціша Вырвіча» (2019).

Аўтар шэрагу дакумэнтальных фільмаў — «Званар», «Не спыніцца гадзіньнік», «Мэтафара» і інш., сам зняўся ў некалькіх ролях у кіно.

Лаўрэат міжнародных і рэспубліканскіх кінафорумаў^[1].

Памёр 27 студзеня 2025 года^[2].

Літаратура

• Белорусское кино : персоналии / Национальная киностудия "Беларусьфильм". – Минск, 2007. – С. 303.
• На экранах. – 2023. –№ 3. – С. 10–11.