Аляксандар Джорджавіч

Аляксандар «Саша» Джорджавіч (па-сэрбску: Александар «Саша» Ђорђевић / Aleksandar «Saša» Đorđević; нар. 26 жніўня 1967 году, Бялград, СР Сэрбія, СФР Югаславія) — югаслаўскі і сэрбскі баскетбаліст. Гуляў на пазыцыі гульнёвага абаронцы. Цяпер працуе трэнэрам.

Аляксандар Джорджавіч
Пазыцыя:	гульнёвы абаронца
Рост:	188 см
Вага:	80 кг
Грамадзянства:	Сэрбія[1][2]
Нарадзіўся:	26 жніўня 1967(1967-08-26)[1][2] (58 гадоў) Бялград, СФРЮ
Клюбы
Гады	Клюб
1983—1992	Партызан Бялград[d]
1992—1994	Алімпія
1994—1996	Фартытуда Балёньня[d]
1996	Портлэнд Трэйл Блэйзэрз
1996—1999	Барсэлёна
1999—2002	Рэал Мадрыд
2003—2004	Вікторыя Лібэртас Пэзара[d]
2005	Алімпія
Мэдалі
Чэмпіянаты Эўропы
Бронза	Пірэй-1987
Золата	Рым-1991
Золата	Атэны-1995
Золата	Гішпанія-1997
Алімпійскія гульні
Срэбра	Атланта-1996
Чэмпіянаты сьвету
Золата	Грэцыя-1998
Статыстыка на NBA.com

Кар’ера баскетбаліста

У клюбах

Гуляў за эўрапейскія клюбы «Партызан», «Алімпія Мілян», «Рэал», «Барсэлёна», а ў 1996 годзе граў за каманду НБА «Портлэнд Трэйл Блэйзэрз». Скончыў кар’еру ў 2005 годзе.

У зборнай

Гуляў за зборную Югаславіі, дзе правёў 108 гульняў. Першыя мэдалі са зборнай — бронзавыя — выйграў у 1987 годзе на чэмпіянаце Эўропы. Праз чатыры гады выйграў са зборнай золата Эўрабаскету-1991. У 1996 годзе на летніх Алімпійскіх гульнях сэрбы занялі другое месца, прайграўшы ў фінале ЗША. У 1995 годзе стаў двухразовым чэмпіёнам Эўропы. У 1997 годзе ў Гішпаніі разам з камандай стаў трохразовым эўрапейскім чэмпіёнам. У 1998 годзе Югаславія выйграла чэмпіянат сьвету ў Грэцыі. Гэтае золата стала апошнім у кар’еры Джорджавіча ў зборнай. З пачатку 2000-х ён больш не выходзіў гуляць з камандай.