Аляксандар Салтавец

Алякса́ндар Салтаве́ц (нар. 1980, Грэск) — беларускі мастак і пэдагог. У 2012 А. Салтавец быў аб’яўлены чалавекам году Меншчыны^[1]. Выкладчык жывапісу ды кампазыцыі Грэскай мастацкай школы^[2].

Аляксандар Салтавец
Імя пры нараджэньні	Аляксандар Валер’евіч Салтавец
Дата нараджэньня	1980
Месца нараджэньня	Грэск, Слуцкі раён, Менская вобласьць, БССР, СССР
Адукацыя	Мірская мастацкая вучэльня
Занятак	жывапіс
Пад уплывам	Іван Шышкін, Іван Айвазоўскі

Адукацыя

Скончыў Грэскую мастацкую школу, у 1998 — Мірскую мастацкую вучэльню (цяпер мастацкая прафэсійна-тэхнічная вучэльня № 234 будаўніча-рэстаўрацыйных працаў).

Творчасьць

Зладзіў шэраг пэрсанальных выстаў^[3], у тым ліку выстава «Цуды» (Слуцкая галерэя мастацтва, жнівень 2009)^[4], «Цуды»(«Галерэя мастацтваў» у Чырвоных казармах, Бяроза, кастрычнік-лістапад 2010)^[5], «На границе реальности и сказки» (галерэя «VILNIUS», Менск, лістапад 2011), «У краіне цудаў» (Менск, 2012), «Чароўныя падарожжы» (Гарадзкая мастацкая галерэя твораў Л. Шчамялёва, Менск, 1-31 ліпеня 2015)^[6]. У 2012 годзе ў Палаце прадстаўнікоў Беларусі былі выстаўленыя працы Аляксандра Салтаўца. На пачатку 2010 року ў Слуцкай галерэі мастацтва браў удзел у выставе сучасных беларускіх мастакоў «Случчыне — з любоўю»^[7]. У лістападзе 2016 працы А. Сатлаўца паказаныя на Выставе карцін беларускіх мастакоў з інваліднасьцю (штаб-кватэра Сусьветнай арганізацый інтэлектуальнай уласнасьці, Жэнэва)^[8]. Творы захоўваюцца ў краязнаўчых музэях Слуцка, Салігорску, Копыля, Старых Дарог, Бярозы, прыватных калекцыях Расеі, Украіны, Нямеччыны, Францыі, Гішпаніі, Канады, Італіі ды іншых краін.