Асіпоўка (рака)

Асіпо́ўка — рака ў Маларыцкім і Жабінкаўскім раёнах Берасьцейскай вобласьці, левы прыток ракі Мухаўцу (басэйн Віслы). Даўжыня 38 км. Плошча вадазбору 534 км². Выдатак вады ў вусьці каля 1,5 м³/с. Сярэдні нахіл воднай паверхні 0,4‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Асіпоўка.

Рака

Асіпоўка
Агульныя зьвесткі
Выток	Лукаўскае вадасховішча
Вусьце	Мухавец
Краіны басэйну	Беларусь
Вобласьці	Берасьцейская вобласьць
Даўжыня	38 км
Сярэднегадавы сьцёк	1,5 м³/с
Плошча басэйну	534 км²
Нахіл воднай паверхні	0,4 ‰

Асноўны прыток — канал Бона (праваруч).

Пачынаецца ў Маларыцкім раёне з канала, вада падаецца з Лукаўскага вадасховішча праз калектар. Вусьце каля вёскі Пятровічы Жабінкаўскага раёну. Цячэ Берасьцейскім Палесьсем.

Даліна невыразная. Рэчышча каналізаванае на ўсім працягу. У высокай плыні да вёскі Чарняны праходзіць празь лясны масіў. Ніжэй за вёску Чарняны выкарыстоўваецца як водапрыёмнік мэліярацыйных сыстэмаў^[1].