Брэгенц

Брэ́генц (па-нямецку: Bregenz) — горад на крайнім захадзе Аўстрыі, сталіца фэдэральнай зямлі Форарльбэрг, разьмешчаны на беразе Бодэнскага возера, ля падножжа Брэгенцэрвальду. Насельніцтва 29 806 жыхароў (на 1 студзеня 2018 году).

Брэгенц
ням. Bregenz
Герб Брэгенцу
Краіна:	Аўстрыя
Зямля:	Форарльбэрг
Кіраўнік:	Міхаэль Рыч[d]
Плошча:	29,5 км² (1 студзеня 2018)[1]
Вышыня:	427 м н. у. м.
Насельніцтва:	▼29 620 чал. (1 студзеня 2023)[2]
Тэлефонны код:	05574
Паштовы індэкс:	6900
Нумарны знак:	B
Геаграфічныя каардынаты:	47°30′18″ пн. ш. 9°44′57″ у. д.
Брэгенц на мапе Аўстрыі Брэгенц
Галерэя здымкаў у Вікісховішчы
https://bregenz.at

Гісторыя

Першае паселішча на тэрыторыі Брэгенцу ўзьнікла каля 1500 г. да н. э. Каля 500 году да н. э. сюды прыходзяць кельты: іх паселішча мае назву Брыгантыён. У 15 г. да н. э. рымляне заснавалі на гэтым месцы горад Брыгантыюм, які меў свой форум, базыліку, крытыя гандлёвыя рады. У 233 і 259/260 гадах горад быў разбураны аляманамі, якія крыху пазьней (з 470 г.) засялілі гэтыя землі. У сярэднявеччы Брэгенц меў права ладзіць штотыднёвы рынак. З 1451 г. належыць княскай сям’i Габсбургаў. У 1647 захоплены швэдамі. У 1815 годзе становіцца часткай Каралеўства Баварыі, але ў 1815 г., згодна Венскім кангрэсе, стаў часткай Аўстрыі.

Культура

Штогод у ліпені й жніўні ў Брэгенцы ладзіцца Музычны фэст (клясыка): для гэтага на возеры пабудавана спэцыяльная пляцоўка.

Славутасьці

• Касьцёл Сьв. Гала (пабудаваны ў 1097 г., цалкам перабудаваны ў стылі барока ў 1738)
• Вежа Сьв. Мартына (1602 г.)
• Будынак на вул. Кірхштрасэ, 29 — дом з самым вузкім фасадам у Эўропе (шырыня 57 см).