Валеры Бачароў

Вале́ры Ю́р’евіч Бачаро́ў (нар. 10 жніўня 2000 году) — беларускі футбаліст, паўабаронца расейскага клюбу «Ўфа» (у арэндзе з «Уралу») і нацыянальнай зборнай Беларусі.

Валеры Бачароў
Пэрсанальная інфармацыя
Нарадзіўся	10 жніўня 2000(2000-08-10) (24 гады) Менск, Беларусь[1]
Рост	178 см
Вага	72 кг[1]
Пазыцыя	паўабаронца
Клюбная інфармацыя
Клюб	Уфа (у арэндзе з клюбу «Урал»)
Клюбы
Гады	Клюб	Гульні (галы)¹
2020—2023	БАТЭ	54 (3)
2020	→ Смалявічы	7 (0)
2021	→ Слуцак	24 (1)
2024—4	Урал	4 (0)
2024—4	→ Уфа	13 (0)
Зборныя
2021—2022	Беларусь (да 21)	8 (0)
2022—4	Беларусь	21 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 15 сакавіка 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 10 чэрвеня 2025.

Кар’ера

Клюбная

Пачынаў займацца футболам у менскім «Дынама», яшчэ юнаком апынуўся ў складзе барысаўскага БАТЭ. У 2018 годзе пачаў выступаць за дубль клюбу, дзе неўзабаве замацаваўся ў пачатковым складзе. 29 жніўня 2020 году дэбютаваў у асноўнай камандзе БАТЭ ў матчы Кубка Беларусі супраць мікашэвіцкага «Граніта» (5:0), правёўшы на полі ўсе 90 хвілінаў матчу. У верасьні 2020 года выправіўся ў арэнду ў «Смалявічы»^[2], дзе 18 верасьня 2020 году дэбютаваў у найвышэйшай лізе, правёўшы на поле ўсе 90 хвілінаў матчу супраць берасьцейскага «Руху» (0:6). У далейшым замацаваўся ў стартавым складзе каманды. У сьнежні 2020 году па сканчэньні арэнды пакінуў «Смалявічы»^[3]. У пачатку 2021 году знаходзіўся на праглядзе ў «Віцебску», але беспасьпяхова. У лютым 2021 году на правах арэнды далучыўся да «Слуцка»^[4]. Стаў адным з асноўных футбалістаў слуцкай каманды. У сьнежні 2021 году па сканчэньні арэнды пакінуў «Слуцак»^[5].

У пачатку 2022 году пачаў рыхтавацца да новага сэзону з асноўнай камандай БАТЭ. У сакавіку 2022 года падоўжыў кантракт з барысаўчанамі да канца 2023 году^[6]. У сэзоне 2022 году замацаваўся ў пачатковым складзе БАТЭ. У студзені 2024 году прыяднаўся да шыхтаў екацярынбурскага «Ўралу»^[7]. У новым клюбе ня даў рады, згуляўшы за восем месяцаў усяго шэсьць матчаў. У выніку 12 верасьня 2024 году на правах арэнды далучыўся да «Ўфы»^[8].

Міжнародная

2 верасьня 2021 году дэбютаваў у моладзевай зборнай Беларусі, адгуляўшы ўсе 90 хвілінаў у адборачным матчы чэмпіянату Эўропы супраць моладзевай зборнай Ісьляндыі (1:2). 3 чэрвеня 2022 году ўпершыню згуляў за нацыянальную зборную Беларусі, калі выйшаў у пачатковым складзе ў матчы Лігі нацыяў УЭФА супраць зборнрай Славаччыны (0:1) і быў заменены ў другім тайме.