Джэноа Генуя

«Джэноа» (па-італьянску: Genoa) — італьянскі футбольны клюб з гораду Генуя. Заснаваны ў 1893 годзе. Дзевяціразовы чэмпіён Італіі й аднаразовы ўладальнік Кубка Італіі. Нягледзячы на тое, лёгкаатлетычны й крыкетны клюбы былі заснаваны ў 1893 годзе ангельцамі як брытанскі спартовы клюб за мяжой, гульцамі ў гэтым таварыстве былі выключна падданыя ангельскай кароны да 10 красавіка 1897 году, калі склад быў адчынены для італьянскіх грамадзянаў^[4]. Футбольная сэкцыя клюбу быў створана ў 1897 годзе Джэймзам Рычардсанам Спэнсьлі, што робіць футбольную каманду найстарэйшым існуючым клюбам у сваім родзе ў Італіі^[5].

Джэноа
Поўная назва	па-італьянску: Genoa Cricket and Football Club
Заснаваны	7 верасьня 1893
Горад	Генуя, Італія
Стадыён	Люіджы Фэрарыс Умяшчальнасьць: 36 536
Прэзыдэнт	Альбэрта Дзангрыльлё[d][1]
Кіраўнік	777 Partners[d][1] і Dan Șucu[d][2]
Галоўны трэнэр	Патрык Віейра[d][3]
Чэмпіянат	Сэрыя А
· 2024—2025	13 месца
Хатнія колеры Выязныя колеры Трэція колеры
Галерэя здымкаў у Вікісховішчы genoacfc.it (італ.)​ (анг.)

Падчас сваёй доўгай гісторыі «Джэноа» перамагала ў спаборніцтве Сэрыі А дзевяць разоў. Першы тытул «Джэноа» быў здабыты ў першым чэмпіянаце ў 1898 годзе, а апошні ў сэзоне 1923—1924 гадоў. Гістарычна склалася так, што «Джэноа» зьяўляецца чацьвёртым найбольш пасьпяховым італьянскім клюбам^[6].

Клюб праводзіць свае хатнія матчы на стадыёне «Люіджы Фэрарыс», які здольны зьмясьціць 36 536 чалавек^[7]. Гэтая пляцоўка зьяўляецца хатняй для клюбу з 1911 году. З 1946 году стадыён таксама выкарыстоўваецца як хатняя арэна для іншага футольнага клюбу з гораду «Сампдорыі». «Джэноа» большую частку сваёй пасьляваеннай гісторыі праводзіць паміж Сэрыяй А і Сэрыяй Б.

Гісторыя

Клюб быў заснаваны 7 верасьня 1893 году як «Гэнуэскі крыкетны й атлетычны клюб» (анг. Genoa Cricket & Athletic Club)^[8]. Першапачаткова клюб спаборнічаў толькі ў лёгкай атлетыцы й крыкеце. З-за таго, што клюб быў створаны, каб прадстаўляць Ангельшчыну за мяжой, арыгінальныя футболкі былі белага колеру, то бок такога ж колеру, як і кашулі нацыянальнай зборнай Ангельшчыны^[8].

З адкрыцьцём футбольнай сэкцыі было прынята рашэньне ад дазволе ўдзелу італьянскіх грамадзянаў у дзейнасьці клюбу. Першы таварыскі матч «Джэноа» праводзіла дома супраць зьмешанай каманды турынскіх клюбаў «Інтэрнацыянале» й «Тарынэзэ», дзе генуэскі клюб трываў паразу зь лікам 1:0^[8]. Неўзабаве пасьля гэтага «Джэноа» атрымаў сваю першую перамогу ў выязным матчы супраць клюбу «Алесандрыя» зь лікам 2:0. Таварыскія матчы таксама мелі месца супраць камандаў розных брытанскіх суднаў, якія прыходзілі ў порт Генуі.

Склад

Актуальны на 23 жніўня 2025 году

№ Пазыцыя Імя Год нараджэньня 1 Бр Ніколя Леалі  1993 2 ПА Мортэн Торсьбю  1996 3 Аб Аарон Мартын  1997 5 Аб Лео Эстыгар  (ар. Рэн) 1999 8 ПА Нікалаэ Станчу  1993 9 Нап Вітыньня  2000 10 Нап Жуніёр Мэсіяс  1991 11 ПА Альбэрт Грэнбэк  (ар. Рэн) 2001 14 Аб Алесандра Вальяка  1998 15 Аб Брук Нортан-Кафі  2004 16 ПА Эміль Богінэн  1999 17 ПА Руслан Маліноўскі 1993 18 Нап Калеб Экубан  1994 20 Аб Стэфана Сабэльлі  1993 21 Нап Джэф Эхатор  2006

№ Пазыцыя Імя Год нараджэньня 22 Аб Хоан Васкес  (капітан) 1998 23 ПА Валентын Карбоні  (ар. Інтэр) 2005 27 Аб Алесандра Маркандальлі  2002 29 Нап Лярэнца Калёмба  (ар. Мілян) 2002 30 ПА Уга Куэнка  2005 31 Бр Бэньямін Зыгрыст  (ар. Рапід) 1992 32 ПА Мортэн Фрэндруп  2001 34 Аб Сэбастыян Атоа  2004 39 Бр Даніеле Самарыва  1997 40 Нап Сэйду Фіні  2006 45 Нап Дэйвід Анкее  2002 73 ПА Патрыцыё Мазыні  2001 76 Нап Лярэнца Вэнтурына  2006 77 ПА Мікаэль Элертсан  2002 — ПА Хрыстас Пападопуляс  2004