Дурыцкі сельсавет

Ду́рыцкі сельсаве́т (афіцыйная назва — Зна́менскі сельсавет) — адміністрацыйна-тэрытарыяльная адзінка ў складзе Берасьцейскага раёну Берасьцейскай вобласьці. Адміністрацыя сельсавету разьмешчаная ў вёсцы Дурычах. У Дурыцкі сельсавет уваходзяць 12 населеных пунктаў.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Знаменскі сельсавет.

Дурыцкі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Знаменка
Дата ўтварэньня	20 сьнежня 1974
Насельніцтва	▲5426 чал. (2019)
Месцазнаходжаньне
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

12 кастрычніка 1940 году створаны Страдзецкі сельсавет у складзе Берасьцейскага раёну Берасьцейскай вобласьці з цэнтрам у вёсцы Страдзеч. 16 ліпеня 1954 году ў склад Гершонскага сельсавету перададзеныя вёскі Заказанка і Прылукі, у склад сельсавету ўключаны вёскі Збунін Ляплёўскага сельсавету і Дурычы Мяднянскага сельсавету, цэнтар сельсавету перанесены ў Дурычы і ў сувязі з гэтым сельсавет перайменаваны ў Дурыцкі, які перададзены ў склад Дамачаўскага раёну^[1][2]. З 17 сьнежня 1956 году ў складзе Берасьцейскага раёну. 8 верасьня 1959 году Дурыцкі сельсавет скасаваны, тэрыторыя далучаная да Мяднянскага сельсавету, вёска Страдзеч перададзеная ў склад Гершонскага сельсавету^[3].

30 ліпеня 1964 году вёску Дурычы перайменавалі ў Знаменку, а 20 сьнежня 1974 году сюды ж перанесьлі і цэнтар Мяднянскага сельсавету, які ў сувязі з гэтым перайменавалі ў Знаменскі.

17 верасьня 2013 году ў склад сельсавету ўвайшлі землі скасаванага Страдзецкага сельсавету зь вёскамі Заказанка, Прылукі і Страдзеч^[4].

Насельніцтва

Насельніцтва сельсавету паводле перапісу 2009 году — 2192 чалавекі^[5], зь іх 88,7 % — беларусы, 7,1 % — расейцы, 3,5 % — украінцы^[6].

Населеныя пункты

• 1 студзеня 1986 году — 5^[7]

Эканоміка

«Птушкафабрыка Мяднянская» ў вёсцы Медна^[8].

Іншае

У адпаведнасьці з рашэньнем выканаўчага камітэту Берасьцейскай абласной Рады народных дэпутатаў ад 21 лютага 1994 году №61 на тэрыторыі Дурыцкага сельсавету ўсталяваная памежная зона^[9].