Ева Вежнавец

Е́ва Вежнаве́ц, сапр. Сьвятла́на Курс (нар. ў в. Загальле, Любанскі раён) — беларуская пісьменьніца, журналістка.

Ева Вежнавец
Асабістыя зьвесткі
Нарадзілася	1972[1] Загальле, Соснаўскі сельсавет, Любанскі раён, Менская вобласьць, БССР, СССР
Літаратурная дзейнасьць
Род дзейнасьці	пісьменьніца, журналістка, празаік, перакладніца
Мова	беларуская мова[1]
Узнагароды	Літаратурная прэмія імя Ежы Гедройца

Жыцьцяпіс

Працавала ў «Нашай Ніве», потым 13 гадоў на «Эўрарадыё». Жыве ў Польшчы. У 2020 годзе стала дапамагаць сталым людзям у сувязі з пандэміяй каранавірусу^[2].

Творчасьць

У першым нумары часопісу «Аrche» ў 1998 годзе было апублікавана яе першае апавяданьне «Мы два Хохлікі». У 2008 годзе ў Кнігарні Нашай Нівы выйшаў зборнік апавяданьняў «Шлях дробнай сволачы»^[3]. У 2015 годзе ў Нашай Ніве апублікавала сваё апавяданьне «Параска і яе чорны бык», не пад псэўданімам, а пад сапраўдным прозьвішчам^[4].

У 2020 годзе выйшла кніга «Па што ідзеш, воўча?»^[5]. У 2021-м кніга ўвайшла ў кароткі сьпіс прэтэндэнтаў на прэмію імя Гедройца за лепшую кнігу Беларусі.