Засімавічы (авіябаза)

Авіяба́за «За́сімавічы», Авіяба́за «Пружа́ны», 181 баява́я верталё́тная ба́за^[1] — авіяцыйная база ў вайсковым гарадку Новыя Засімавічы Пружанскага раёну Берасьцейскай вобласьці Беларусі. Выкарыстоўваецца ВПС РБ. На ўзбраеньні верталёты Мі-8 і Мі-24^[2].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Засімавічы (неадназначнасьць).

Мінуўшчына

Паводле дырэктывы Генэральнага штабу УС СССР у 1953 року на аэрадром Засімавічы БВА была пераведзеная 95-я зьнішчальная дывізія, улучаная ў склад 26-й паветранай арміі. Пасьля штаб дывізіі пераведзены ў Шчучын^[3].

У 1984 року на аэрадроме быў сфармаваны 357-ы асобны штурмавы авіяцыйны полк. У 1986—1987 полк прымаў удзел у баявых дзеяньнях у Аўганістане, у сьнежні 1988 пераведзены на авіябазу Брандыс (па-нямецку: Brandis, НДР) у склад 16-й паветранай арміі СССР(ru)^[4]. На ўзбраеньні меў 35 летакоў Су-25, 2 Су-25УБ, 6 L-39C^[5]. Выведзены зь Нямеччыны 28 красавіка 1992 року на аэрадром Бутурлінаўка^[6] (Расея).

У 1988 на авіябазу «Пружаны» з Аўганістану выведзены 181-ы асобны шрубалётны полк. Пасьля развалу Савецкага Саюзу ўвайшоў у склад ВПС Беларусі. 1 кастрычніка 1993 року на базе палку сфармаваная 181-я баявая шрубалётная база^[7].

Здарэньні

• 29 лістапада 2011 року пры заходзе на пасадку за 1,5 кілямэтры ад аэрадрому разьбіўся гелікоптэр «Мі-24» 181-й баявой шрубалётнай базы ВПС і войскаў СПА Узброеных сілаў Беларусі^[8]. Усе тры чальцы экіпажу загінулі.

Вайсковыя фармаваньні

• в/ч 15402 (1978—1980)

Глядзіце таксама

• Пружанскі аэрадром
• Сьпіс авіябазаў Беларусі