Карляс Куэста

Ка́рляс Куэ́ста (па-гішпанску: Carlos Cuesta; нар. 9 сакавіка 1999 году) — калюмбійскі футбаліст, цэнтральны абаронца турэцкага клюбу «Галатасарай» і нацыянальнай зборнай Калюмбіі.

Карляс Куэста
Пэрсанальная інфармацыя
Нарадзіўся	9 сакавіка 1999(1999-03-09) (26 гадоў) Кібдо[d], Калюмбія[1]
Рост	1,78 м
Вага	67 кг
Пазыцыя	абаронца
Клюбная інфармацыя
Клюб	Галатасарай
Нумар	26
Клюбы
Гады	Клюб	Гульні (галы)¹
2016—2019	Атлетыка Насьяналь	61 (0)
2019—2025	Генк	151 (4)
2025—4	Галатасарай	5 (0)
Зборныя
2021—4	Калюмбія	23 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 16 чэрвеня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 26 сакавіка 2025.

Кар’ера

Клюбная

Выхаванец клюбу «Атлетыка Насьяналь», у складзе якога дэбютаваў у чэмпіянаце Калюмбіі ў матчы супраць «Альянсы Пэтралеры». Гулец выйшаў у пачатковым складзе і адгуляў увесь матч. У 2016 годзе поруч з клюбам стаў уладальнікам Кубка Лібэртадорэс, але ў фінальных матчах супраць эквадорскага «Індэпэнд’ентэ дэль Вальле» не зьяўляўся. 5 ліпеня 2019 году бэльгійскі клюб «Генк» абвесьціў, аб складаньні з Куэстам кантракту да чэрвеня 2024 году^[2]. 6 лютага 2025 году Куэста прыяднаўся да турэцкага «Галатасараю», які выклаў за гульца 8 мільёнаў эўра^[3][4].

Міжнародная

Дэбютаваў у складзе нацыянальнай зборнай Калюмбіі 9 верасьня 2021 году ў адборачным матчы да чэмпіянату сьвету 2022 году супраць зборнай Чылі^[5].

Дасягненьні

«Атлетыка Насьяналь»:

• Чэмпіён Калюмбіі: 2017-1
• Уладальнік Кубка Калюмбіі: 2018
• Уладальнік Кубка Лібэртадорэс: 2016

«Галатасарай»:

• Чэмпіён Турэччыны: 2025
• Уладальнік Кубка Турэччыны: 2025