Касьцёл Узвышэньня Сьвятога Крыжа (Янаў)

Касьцё́л Узьві́жаньня Сьвято́га Крыжа́ — каталіцкі храм у Янаве Берасьцейскай вобласьці, збудаваны ў 1848 року.

Храм
Касьцёл Узьвіжаньня Сьвятога Крыжа
Краіна	Беларусь
Места	Янаў
Адрас	пл. Кастрычніка, 4
Каардынаты	52°8′51.79″ пн. ш. 25°32′9.71″ у. д.
Канфэсія	каталіцтва
Эпархія	Пінская дыяцэзія
Тып будынка	касьцёл
Архітэктурны стыль	ампір
Дата заснаваньня	1848
Статус	дзейны
Касьцёл Узьвіжаньня Сьвятога Крыжа на мапе Беларусі Касьцёл Узьвіжаньня Сьвятога Крыжа
Касьцёл Узьвіжаньня Сьвятога Крыжа на Вікісховішчы

Мінуўшчына

Збудаваны ў 1848 року з цэглы ксяндзом Палівонам. Расейскі імпэратар падараваў касьцёлу абраз сьвятой Кацярыны^[1]. Асьвячоны ў 1852 біскупам В. Жылінскім.

У 1899 у храме адбыўся рамонт.

У 1935 налічвалася каля 1450 парафіянаў.

За савецкім часам касьцёл быў адабраны ў вернікаў, выкарыстоўваўся ў якасьці зернесховішча, пасьля дома культуры. 22 лістапада 1994 вернуты каталікам, пасьля чаго адноўлены, дададзеная ўваходная брама і бакавыя вежы.

Архітэктура

Архітэктурны стыль — ампір. Храм прастакутны ў пляне. Галоўны фасад увянчаны ступеністым атыкам зь пілястрамі. Будынак акаймаваны антаблемэнтам з прафіляваным карнізам на дэнтыкулах.

У левым алтары разьмешчаны драўляны крыж, выразаны Напалеонам Ордам, а таксама постаць Ісуса Хрыста мастачкі Гелены Скірмунт(ru)^[2].

На адным з кутоў агароджы ўзьведзеная капліца на меркаваным месцы забойства Андрэя Баболі.

Сьвятары

• Палівон (1848—?)
• Тадэвуш Стачкоўскі (1995—2012)
• Павал Ёзэф Кручак (з 2012)^[1]