Крузэйру

Крузэ́йру (па-партугальску: Cruzeiro) — горад у Бразыліі, які месьціцца ў штаце Сан-Паўлу. Паводле зьвестак на 2020 год насельніцтва гораду складала каля 83 тысяч чалавек^[2]. Знаходзіцца за 220 км ад сталіцы штату гораду Сан-Паўлу.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Крузэйру (неадназначнасьць).

Крузэйру
Герб Крузэйру Сьцяг Крузэйру
Дата заснаваньня:	1901
Краіна:	Бразылія
Штат:	Сан-Паўлу
Плошча:	304 км²
Вышыня:	508 м н. у. м.
Насельніцтва:	▼74 961 чал. (2022)[1]
Тэлефонны код:	12
Паштовы індэкс:	12700-000
Геаграфічныя каардынаты:	22°34′38″ пд. ш. 44°57′30″ з. д.
Крузэйру на мапе Бразыліі Крузэйру
Галерэя здымкаў у Вікісховішчы
http://www.cruzeiro.sp.gov.br

Гісторыя

Крузэйру быў заснаваны на сутыку чыгуначных лініяў трох штатаў, як то Сан-Паўлу, Мінас-Жэрайс і Рыю-дэ-Жанэйру. Менавіта чыгунка, а таксама вытворчасьць кавы мела важнае значэньне для гораду ў XIX стагодзьдзі, калі Бразылія была яшчэ аграрнай манархіяй. У хаце першага ўладальніка земляў места зараз знаходзіцца музэй. У чыгуначным тунэлі Мантыкейра, на поўнач ад гораду, у 1932 годзе адбылася адна з ключовых бітваў паміж фэдэралістамі і канстытуцыяністамі. На сёньня эканоміка муніцыпалітэту палягае на гандлі, турызьме, а таксама мэталюргічнай прамысловасьці. Гэтак мэталюргічны завод гораду, які кіруецца міжнароднай кампаніяй Maxion Rodas e Chassis, вырабляе чыгуначныя кампанэнты.