Леанід Гоманаў

Леані́д Міха́йлавіч Го́манаў (1953, Прапойск, Магілёўская вобласьць, цяпер Беларусь) — беларускі мастак-плякатыст.

Леанід Гоманаў
Дата нараджэньня	22 лістапада 1953 (71 год)
Месца нараджэньня	Прапойск, Магілёўская вобласьць, Беларуская ССР, СССР
Адукацыя	Беларускі тэатральна-мастацкі інстытут (1991)
Месца вучобы	Менскі дзяржаўны мастацкі каледж імя Аляксея Глебава Беларуская дзяржаўная акадэмія мастацтваў
Занятак	плякатыст
Працы	нізка плякатаў «Беларускія асьветнікі», плякаты да кінафільма «Хрыстос прызямліўся ў Гародні» (1989)

Стварыў нізку плякатаў «Беларускія асьветнікі» — Эўфрасіньня Полацкая, Кірыла Тураўскі, Францішак Скарына, Мікола Гусоўскі і Сімяон Полацкі. Таксама працуе ў жывапісе і кніжнай графіцы^[1].

Жыцьцяпіс

У 1974 годзе скончыў Менскую мастацкую вучэльню. У 1991 годзе скончыў Беларускі тэатральна-мастацкі інстытут і ўладкаваўся ў выдавецтва «Навука і тэхніка»^[2]. Адначасна стаў сябрам Беларускага саюзу мастакоў.

Творчасьць

Асноўныя творы: «Спыніць гонку ўзбраеньняў» (1984), «Перабудова» (1986), «Чарнобыль 26.4.86» (1988); «Дапамажы дзецям чарнобыльскай зоны» і «Хто адкажа?» (1990). Таксама стварыў плякаты да кінафільмаў «Хрыстос прызямліўся ў Гародні» (1989) і «Сівая легенда» (1992)^[2]. Яго творы захоўваюць Нацыянальны мастацкі музэй Рэспублікі Беларусь і Дзяржаўны літаратурна-мэмарыяльны музэй Якуба Коласа.